ಕಣ್ಣೀರು ಹಾಕುತ್ತಿದ್ದ ಮಹಿಳಾ ಹಾಕಿ ತಾರೆಯರಿಗೆ ಪ್ರಧಾನಿ ಮೋದಿ ಕರೆ ಮಾಡಿ ಸಾಂತ್ವನಿಸಿದ್ದು ಹೇಗೆ ಗೊತ್ತಾ?

ನವದೆಹಲಿ: ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಕಂಚು ಗೆಲ್ಲಲು ವಿಫಲರಾದ ಭಾರತ ಮಹಿಳಾ ಹಾಕಿ ತಂಡಕ್ಕೆ ಪ್ರಧಾನಿ ಮೋದಿ ಖುದ್ದು ಕರೆ ಮಾಡಿ ಸಾಂತ್ವನ ನೀಡಿದ್ದಾರೆ.

ಕನಿಷ್ಠ ಕಂಚು ಗೆದ್ದು ಇತಿಹಾಸ ನಿರ್ಮಿಸುವ ಉತ್ಸಾಹದಲ್ಲಿದ್ದ ವನಿತೆಯರ ತಂಡಕ್ಕೆ ಇಂದು ಬ್ರಿಟನ್ ಎದುರು ಒಂದೇ ಗೋಲಿನ ಅಂತರದಿಂದ ಸೋಲಾಗಿತ್ತು. ಇದರಿಂದಾಗಿ ರಾಣಿ ರಾಂಪಾಲ್ ನೇತೃತ್ವದ ಭಾರತ ತಂಡ ತೀವ್ರ ನಿರಾಶೆಯಲ್ಲಿತ್ತು.

ಪ್ರಧಾನಿ ಮೋದಿ ಖುದ್ದಾಗಿ ರಾಣಿ ರಾಂಪಾಲ್ ಹಾಗೂ ತಂಡದ ಸದಸ್ಯರಿಗೆ ಕರೆ ಮಾಡಿ ನೇರವಾಗಿ ಮಾತುಕತೆ ನಡೆಸಿದ್ದಾರೆ. ಈ ವೇಳೆ ಭಾವುಕರಾದ ಹಾಕಿ ಆಟಗಾರ್ತಿಯರು ಕಣ್ಣೀರು ಹಾಕಿದ್ದಾರೆ. ಈ ವೇಳೆ ಆಟಗಾರ್ತಿಯರನ್ನು ಸಮಾಧಾನಿಸಿದ ಮೋದಿ, ನನಗೆ ನೀವು ಅಳುವ ಧ್ವನಿ ಕೇಳುತ್ತಿದೆ. ನೀವು ಯಾರೂ ಬೇಸರವಾಗಬೇಡಿ. ನಿಮ್ಮ ಸಾಧನೆ ಚಿಕ್ಕದೇನಲ್ಲ. ಇಡೀ ದೇಶವೇ ನಿಮ್ಮ ಸಾಧನೆಗೆ ಹೆಮ್ಮೆ ಪಡುತ್ತದೆ. ಭವಿಷ್ಯದಲ್ಲಿ ನಿಮಗೆ ಒಳ್ಳೆಯದಾಗಲಿ’ ಎಂದಿದ್ದಾರೆ.