ಜೀಕಾ, ಜೀಕಾ: ಅಮೆರಿಕದ ಗೋಲುರಕ್ಷಕಿಯನ್ನು ಹಂಗಿಸಿದ ಬ್ರೆಜಿಲ್ ಅಭಿಮಾನಿಗಳು

ದೂರದ ದೇಶದಲ್ಲಿರುವ  ಕ್ರೀಡಾ ಸ್ಪರ್ಧೆಯಲ್ಲಿ ಭಾಗವಹಿಸುವುದು ಕೆಲವೊಮ್ಮೆ ಭಯ ಹುಟ್ಟಿಸಬಹುದು. ಅಭಿಮಾನಿಗಳು ತಮ್ಮ ಎದುರಾಳಿ ಆಟಗಾರರ ಮನೋಸ್ಥೈರ್ಯ ಕುಂದಿಸಲು ಕೆಲವು ಮಂತ್ರಗಳನ್ನುಮತ್ತು ಘೋಷಣೆಗಳನ್ನು ರೂಪಿಸುತ್ತಾರೆ. ರಿಯೊ ಒಲಂಪಿಕ್ಸ್‌ನ ಮಹಿಳಾ ಫುಟ್ಬಾಲ್ ಪಂದ್ಯದಲ್ಲಿ ಅಮೆರಿಕದ ಗೋಲು ರಕ್ಷಕಿ ಹೋಪ್ ಸೋಲೊ ಇಂತಹ ವಿಶಿಷ್ಠ ಭಯಾನಕ ಅನುಭವವನ್ನು ಪಡೆದರು. 

ಅಮೆರಿಕ ಫ್ರಾನ್ಸ್ ವಿರುದ್ಧ ಆಡಿದಾಗ ಈ ಘಟನೆ ನಡೆದಿದ್ದು, ಪ್ರತಿಬಾರಿ ಗೋಲುರಕ್ಷಕಿ ಚೆಂಡನ್ನು ಸಂಗ್ರಹಿಸಿ ಕಿಕ್ ಮಾಡಿದಾಗ ಇಡೀ ಸ್ಟೇಡಿಯಂ ಪ್ರೇಕ್ಷಕರು ಜೀಕಾ, ಜೀಕಾ ಎಂದು ಒಟ್ಟಾಗಿ ಕೂಗತೊಡಗಿದ್ದರು.   ಕಾರಣ ಸೋಲೊ ಕೆಲವು ಸಮಯದ ಹಿಂದೆ ರಿಯೊಗೆ ತೆರಳುವ ಮುಂಚೆ ಇನ್‌ಸ್ಟಾಗ್ರಾಂನಲ್ಲಿ ವಿವಾದಾತ್ಮಕ ಚಿತ್ರ ಪೋಸ್ಟ್ ಮಾಡಿದ್ದು ಈ ಘೋಷಣೆಗೆ ಕಾರಣವಾಗಿತ್ತು. ಅವಳು ಮುಖವನ್ನು ಮುಚ್ಚಿಕೊಂಡು ಕೈಯಲ್ಲಿ ಕೀಟ ನಾಶಕವನ್ನು ಹಿಡಿದಿದ್ದಳು. ನಿಮ್ಮದೇ ಜೀಕಾ ಪ್ರೂಫ್ ಪಡೆಯಿರಿ. ರೋಡ್ ಟು ರಿಯೊ ಎಂದು ಆ ಚಿತ್ರಕ್ಕೆ ಅಡಿಬರಹ ನೀಡಿದ್ದಳು.

ರಿಯೊದಲ್ಲಿ ಜೀಕಾ ವೈರಸ್ ಅಪಾಯವನ್ನು ಉಲ್ಲೇಖಿಸಿ ಹಾಗೆ ಪೋಸ್ಟ್ ಮಾಡಿದ್ದಳು. ನ್ಯೂಜಿಲೆಂಡ್ ವಿರುದ್ಧ ಆಟದಲ್ಲಿ ಈ ರೀತಿ ಛೇಡಿಸುವ ಘೋಷಣೆ ಆರಂಭವಾಗಿ ಫ್ರಾನ್ಸ್ ವಿರುದ್ಧ ಸ್ಪರ್ಧೆಯಲ್ಲಿ ತೀವ್ರಗೊಂಡಿತು. ಎರಡೂ ಸಂದರ್ಭಗಳಲ್ಲಿ ಸೋಲೊ ಎದೆಗುಂದದೇ ಅಮೆರಿಕದ ಜಯದಲ್ಲಿ ಸಹಕರಿಸಿದ್ದಳು.