ಟೋಕಿಯೋ: ಇದೇ ಮೊದಲ ಬಾರಿಗೆ ಒಲಿಂಪಿಕ್ಸ್ ನಲ್ಲಿ ಸೆಮಿಫೈನಲ್ ಗೇರಿದ್ದ ಭಾರತ ಮಹಿಳಾ ಹಾಕಿ ತಂಡ ಸೋಲು ಅನುಭವಿಸಿದೆ.
ಇದರೊಂದಿಗೆ ಪುರುಷರ ಹಾಕಿ ತಂಡದ ಹಾದಿಯನ್ನೇ ಹಿಡಿದಿದೆ. ಇಂದು ಅರ್ಜೈಂಟೀನಾ ವಿರುದ್ಧ ನಡೆದ ಪಂದ್ಯವನ್ನು ಮಹಿಳೆಯರು 1-2 ಅಂತರದಿಂದ ಸೋತಿದ್ದಾರೆ.
ಪುರುಷರ ತಂಡದಂತೆ ಮಹಿಳೆಯರ ತಂಡವೂ ಅಂತಿಮ ಕ್ಷಣದವರೆಗೂ ಎದುರಾಳಿಗಳಿಗೆ ಅತ್ಯುತ್ತಮ ಪೈಪೋಟಿ ನೀಡಿತು. ಮೊದಲಾರ್ಧದಲ್ಲಿ ಸ್ಕೋರ್ 1-1 ರಿಂದ ಸಮಬಲವಾಗಿತ್ತು. ಆದರೆ ಸೆಕೆಂಡ್ ಹಾಫ್ ನಲ್ಲಿ ಅರ್ಜೈಂಟೀನಾ ಒಂದು ಗೋಲು ಗಳಿಸಿ ಮುನ್ನಡೆ ಗಳಿಸಿತು. ಇದುವೇ ಅವರ ಗೆಲುವಿಗೆ ಕಾರಣವಾಯಿತು. ಇದರೊಂದಿಗೆ ಭಾರತ ಮಹಿಳಾ ತಂಡವೂ ಇದೀಗ ಕಂಚಿನ ಪದಕಕ್ಕಾಗಿ ನಡೆಯುವ ಪಂದ್ಯದಲ್ಲಿ ಆಡಬೇಕಿದೆ.
