ಪುತ್ರನನ್ನು ಬಿಟ್ಟು ಟ್ರೈನಿಂಗ್ ಶುರು ಮಾಡಿಕೊಂಡ ಸಾನಿಯಾ ಮಿರ್ಜಾ

ಹೈದರಾಬಾದ್: ಗರ್ಭಿಣಿಯಾದ ಬಳಿಕ ಟೆನಿಸ್ ಕೋರ್ಟ್ ನಿಂದ ದೂರವೇ ಉಳಿದಿದ್ದ ಸಾನಿಯಾ ಮಿರ್ಜಾ ಇದೀಗ ಕಮ್ ಬ್ಯಾಕ್ ಮಾಡಲು ತಯಾರಿ ನಡೆಸುತ್ತಿದ್ದಾರೆ.

ಇದರ ಮೊದಲ ಹಂತವಾಗಿ ತಮ್ಮ ಫಿಟ್ನೆಸ್ ಕಾಯ್ದುಕೊಳ್ಳಲು ಕಠಿಣ ಪರಿಶ್ರಮ ಪಡುತ್ತಿದ್ದಾರೆ. ಜಿಮ್ ನಲ್ಲಿ ಬೆವರು ಹರಿಸುತ್ತಿರುವ ಸಾನಿಯಾ ಶೀಘ್ರದಲ್ಲೇ ತೂಕ ಇಳಿಸಿಕೊಳ್ಳಲು ತಯಾರಿ ನಡೆಸುತ್ತಿದ್ದಾರೆ.

ಮುಂಬರುವ ಯುಎಸ್ ಓಪನ್ ಟೆನಿಸ್ ವೇಳೆಗೆ ಫಿಟ್ ಆಗಿ ಮತ್ತೆ ಟೆನಿಸ್ ಅಂಕಣಕ್ಕೆ ಇಳಿಯಲು ಸಾನಿಯಾ ತಯಾರಿ ನಡೆಸುತ್ತಿದ್ದಾರೆ ಎನ್ನಲಾಗಿದೆ. ಇದಕ್ಕಾಗಿ ಪುತ್ರ ಇಝಾನ್ ನನ್ನು ಮನೆಯಲ್ಲೇ ಬಿಟ್ಟು ಜಿಮ್ ನಲ್ಲಿ ಬೀಡುಬಿಟ್ಟಿದ್ದಾರೆ.

ಮದುವೆ, ಮಕ್ಕಳು ಎಂಬುದು ಒಬ್ಬ ಹೆಣ್ಣಿನ ವೃತ್ತಿಗೆ ತೊಡಕಾಗಬಾರದು. ಅದು ಜೀವನದ ಒಂದು ಭಾಗ. ಇದೂ ಒಂದು ಭಾಗ ಎಂದು ಇತ್ತೀಚೆಗಷ್ಟೇ ಸಾನಿಯಾ ಹೇಳಿಕೊಂಡಿದ್ದರು. ಇದೀಗ ನುಡಿದಂತೆ ಮಾಡುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ