ಯಾರಿಗೋ ನಾವೇನೆಂದು ಪ್ರೂವ್ ಮಾಡ್ಕೊಳ್ಳಲು ಮಗು ಮಾಡಿಕೊಂಡಿಲ್ಲ ಎಂದ ಸಾನಿಯಾ ಮಿರ್ಜಾ

ಹೈದರಾಬಾದ್: ಟೆನಿಸ್ ತಾರೆ ಸಾನಿಯಾ ಮಿರ್ಜಾಗೆ 2018 ರಲ್ಲಿ ವೃತ್ತಿ ಜೀವನದಲ್ಲಿ ಹೇಳಿಕೊಳ್ಳುವಂತಹ ಸಾಧನೆ ಮಾಡಲಾಗದೇ ಇದ್ದರೂ ವೈಯಕ್ತಿಕವಾಗಿ ಮಗುವಿನ ರೂಪದಲ್ಲಿ ಅವರಿಗೆ ಸಂತಸ ಸಿಕ್ಕಿದೆ.

ಆದರೆ ಇದಕ್ಕೂ ಮೊದಲು ಸಾನಿಯಾ-ಶೊಯೇಬ್ ದಂಪತಿ ನಡುವೆ ಬಿರುಕು ಮೂಡಿದೆ ಎಂಬ ಗುಲ್ಲು ಎಬ್ಬಿತ್ತು. ಆದರೆ ಸಾನಿಯಾ ಗರ್ಭಿಣಿಯಾದ ನಂತರ ಈ ರೂಮರ್ ಗಳಿಗೆ ಬ್ರೇಕ್ ಬಿತ್ತು. ಈ ಬಗ್ಗೆ ಆಂಗ್ಲ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಪ್ರಶ್ನೆ ಎದುರಾಯಿತು. ಇದಕ್ಕೆ ಉತ್ತರಿಸಿರುವ ಸಾನಿಯಾ ಯಾರಿಗೂ ನಾವು ಏನನ್ನೂ ಪ್ರೂವ್ ಮಾಡಬೇಕೆಂದಿಲ್ಲ ಎಂದಿದ್ದಾರೆ.

‘ನಮಗೆ ಇಬ್ಬರಿಗೆ ಮಗು ಬೇಕೆನಿಸಿದಾಗ ಮಗು ಆಗಿದೆ. ಯಾರಿಗೋ ನಮ್ಮ ಸಂಬಂಧ ಚೆನ್ನಾಗಿದೆ ಎಂದು ಪ್ರೂವ್ ಮಾಡಿಕೊಳ್ಳಲು ನಾವು ಮಗು ಮಾಡಿಕೊಂಡಿಲ್ಲ’ ಎಂದು ಸಾನಿಯಾ ಖಡಕ್ ಆಗಿ ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ