ಇಂದು ಮತ್ತೆ ಸೈನಾ ನೆಹ್ವಾಲ್ ವಿವಾಹ! ಆಹ್ವಾನಿತರ ಪಟ್ಟಿಯಲ್ಲಿ ಯಾರೆಲ್ಲಾ ಇದ್ದಾರೆ ಗೊತ್ತಾ?

ಹೈದರಾಬಾದ್: ಭಾರತದ ಖ್ಯಾತ ಬ್ಯಾಡ್ಮಿಂಟನ್ ತಾರಾ ಜೋಡಿ ಸೈನಾ ನೆಹ್ವಾಲ್ ಮತ್ತು ಪಾರುಪಳ್ಳಿ ಕಶ್ಯಪ್ ಇಂದು ಸಂಪ್ರದಾಯ ಪ್ರಕಾರ ಹೈದರಾಬಾದ್ ನಲ್ಲಿ ಹಸೆಮಣೆ ಏರಲಿದ್ದಾರೆ.

ಮೊನ್ನೆಯಷ್ಟೇ ಈ ಜೋಡಿ ತಮ್ಮ ಆಪ್ತೇಷ್ಟರ ಸಮ್ಮುಖದಲ್ಲಿ ಹಾರ ಬದಲಾಯಿಸಿಕೊಂಡು ಮದುವೆ ನೋಂದಣಿ ಮಾಡಿ ಅಧಿಕೃತವಾಗಿ ಗಂಡ-ಹೆಂಡತಿಯಾಗಿದ್ದರು. ಇದೀಗ ಸಂಪ್ರದಾಯ ಪ್ರಕಾರ ಇಬ್ಬರೂ ಮದುವೆಯಾಗಲಿದ್ದಾರೆ.

ಇಂದು ನಡೆಯಲಿರುವ ವಿವಾಹ ಸಮಾರಂಭಕ್ಕೆ ಸೈನಾ-ಕಶ್ಯಪ್ ಜೋಡಿ ಈಗಾಗಲೇ ರಾಜ್ಯಪಾಲ ಇಎಸ್ಎಲ್ ನರಸಿಂಹನ್, ನಟ ಚಿರಂಜೀವಿ, ಬ್ಯಾಡ್ಮಿಂಟನ್ ಗುರು ಗೋಪಿಚಂದ್,  ಮಾಜಿ ಕ್ರಿಕೆಟಿಗ ಚಾಮುಂಡೇಶ್ವರ್ ನಾಥ್ ಮುಂತಾದ ಗಣ್ಯರನ್ನು ಆಹ್ವಾನಿಸಿದೆ. ಅದಲ್ಲದೆ, ಈ ನವ ಜೋಡಿಯ ಸ್ನೇಹಿತರು ಹಾಗೂ ಬ್ಯಾಡ್ಮಿಂಟನ್ ತಾರೆಯರೂ ಈ ಸಮಾರಂಭಕ್ಕೆ ಆಗಮಿಸುವ ನಿರೀಕ್ಷೆಯಿದೆ. ಹಾಗಿದ್ದರೂ ಬೇರೆ ತಾರಾ ಜೋಡಿಗಳಂತಿರದೇ ಸರಳವಾಗಿ ವಿವಾಹವಾಗಿ ಈ ಎರಡೂ ಜೋಡಿ ಈಗಾಗಲೇ ಮೆಚ್ಚುಗೆಗೆ ಪಾತ್ರವಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ