ಕೆಟ್ಟ ಆಡಿ ಪತಿ ಪಿ ಕಶ್ಯಪ್ ಬಳಿ ಮೈದಾನದಲ್ಲೇ ಬೈಸಿಕೊಂಡ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್

ನವದೆಹಲಿ: ಭಾರತದ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಆಲ್ ಇಂಗ್ಲೆಂಡ್ ಚಾಂಪಿಯನ್ ಶಿಪ್ ನ ಕ್ವಾರ್ಟರ್ ಫೈನಲ್ ನಲ್ಲಿ ನಿರ್ಗಮಿಸಿದ್ದಾರೆ.

ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸೈನಾ ನೆಹ್ವಾಲ್ ವಿಶ್ವ ನಂ.1 ಆಟಗಾರ್ತಿ, ತೈವಾನ್ ನ ತೈ ಜಿ ಯುಂಗ್ ವಿರುದ್ಧ ಸೋತು ಕೂಟದಿಂದ ನಿರ್ಗಮಿಸಿದರು. ಆದರೆ ಕ್ವಾರ್ಟರ್ ಫೈನಲ್ ಆಡುವಾಗ ಆರಂಭದಲ್ಲಿಯೇ ಎಡವುತ್ತಿದ್ದ ಸೈನಾಗೆ ಅಲ್ಲಿಯೇ ಉಪಸ್ಥಿತರಿದ್ದ ಪತಿ, ಬ್ಯಾಡ್ಮಿಂಟನ್ ತಾರೆ ಪಾರುಪಳ್ಳಿ ಕಶ್ಯಪ್ ‘ಕ್ಲಾಸ್’ ತೆಗೆದುಕೊಂಡಿದ್ದಾರೆ.

ಬ್ರೇಕ್ ಟೈಮ್ ನಲ್ಲಿ ಸೈನಾ ಬಳಿಗೆ ಬಂದ ಕಶ್ಯಪ್ ‘ಏನು ಮಾಡ್ತಿದ್ದೀಯಾ? ಆಟದಲ್ಲಿ ಶಿಸ್ತು ತೋರಿಸು. ಶಟಲ್ ಮೇಲೆ ನಿಯಂತ್ರಣ ಸಾಧಿಸಿ ಹೊಡೆತ ಹೊಡಿ. ಕೋರ್ಟ್ ತುಂಬಾ ಬಿಡುತ್ತಿದ್ದೀಯಾ. ಆಕೆಯ ಆಟ ನೋಡು’ ಎಂದು ಪತ್ನಿ ಸೈನಾಗೆ ಕೋರ್ಟ್ ನಲ್ಲಿಯೇ ಬೈದ ಕಶ್ಯಪ್ ನಂತರ ಹೇಗೆ ಆಡಬೇಕೆಂದು ಕ್ಲಾಸ್ ಮಾಡಿದರು. ಹಾಗಿದ್ದರೂ ಸೈನಾ ಗೆಲ್ಲಲಿಲ್ಲ ಎನ್ನುವುದು ವಿಪರ್ಯಾಸ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ