ಈಜಿನಲ್ಲಿ ಆಸ್ಟ್ರೇಲಿಯಾದ 48 ವರ್ಷಗಳ ಚಿನ್ನದ ಬರ ನೀಗಿಸಿದ ಕೈಲ್ ಚಾಲ್ಮರ್ಸ್

ಈಜುಗಾರಿಕೆಯ ಪ್ರತಿಷ್ಟಿತ ಸ್ಪರ್ಧೆಯಲ್ಲಿ ಆಸ್ಟ್ರೇಲಿಯಾ ಕಳೆದ 48 ವರ್ಷಗಳಿಂದ ಪದಕ ಗಳಿಸದೇ ಪದಕದ ಬರ ಎದುರಿಸಿತ್ತು. ಆದರೆ ರಿಯೊದಲ್ಲಿ ನಡೆದ ಒಲಿಂಪಿಕ್ 100 ಮೀ ಫ್ರೀಸ್ಟೈಲ್ ಸ್ಪರ್ಧೆಯಲ್ಲಿ ಆಸ್ಟ್ರೇಲಿಯಾದ 18 ವರ್ಷ ವಯಸ್ಸಿನ ಕಿರಿಯ ಈಜುಪಟು ಕೈಲ್ ಚಾಲ್ಮರ್ ಚಿನ್ನವನ್ನು ಗೆದ್ದು 48 ವರ್ಷಗಳ ಪದಕದ ಬರವನ್ನು ನೀಗಿಸಿದರು.

18 ವರ್ಷ ವಯಸ್ಸಿನ ಯುವಕ ಈ ವರ್ಷಾರಂಭದಲ್ಲಿ ಶಾಲೆಯ ಕಾರ್ನಿವಾಲ್‌ನಲ್ಲಿ ಈಜುತ್ತಿದ್ದವ 100 ಮೀ ಫ್ರೀಸ್ಟೈಲ್‌ನಲ್ಲಿ 47.58ಸೆಕೆಂಡ್‌ನಲ್ಲಿ ಗುರಿಮುಟ್ಟಿದ. ಬೆಲ್ಜಿಯಾದ ಬೆಳ್ಳಿಪದಕ ವಿಜೇತ ಪೀಟರ್ ಟಿಮ್ಮರ್‌ 47.80 ಸೆಕೆಂಡುಗಳಲ್ಲಿ ಮತ್ತು 2012ರ ಚಿನ್ನ ಗೆದ್ದ ಅಮೆರಿಕದ ನಾಥನ್ ಆಡ್ರಿಯನ್ 47.85ಕ್ಕೆ ಮೂರನೇ ಸ್ಥಾನ ಗಳಿಸಿದರು.

ಆಸ್ಟ್ರೇಲಿಯನ್ ಟ್ರಯಲ್ಸ್‌ನಲ್ಲಿ ಚಾಲ್ಮರ್ಸ್ ಎರಡನೇ ಸ್ಥಾನ ಪಡೆಯುವ ತನಕ ತಾನು ಅವನ ಹೆಸರನ್ನು ಕೇಳಿಯೇ ಇರಲಿಲ್ಲ ಎಂದು ಆಡ್ರಿಯನ್ ಹೇಳಿದ್ದಾರೆ. 

 1968ರಲ್ಲಿ ಮೈಕ್ ವೆಂಡನ್ 100 ಮೀ ಫ್ರೀ ಈಜಿನಲ್ಲಿ ಚಿನ್ನದ ಪದಕ ಗಳಿಸಿದ್ದನ್ನು ಬಿಟ್ಟರೆ 48 ವರ್ಷಗಳ ಕಾಲ ಆಸ್ಟ್ರೇಲಿಯಾದ ಯಾರೊಬ್ಬ ಈಜುಪಟುವೂ ಚಿನ್ನದ ಪದಕ ಗೆದ್ದಿರಲಿಲ್ಲ.