ರಿಯೊ ಒಲಿಂಪಿಕ್ಸ್: ಚಿನ್ನದ ಪದಕ ಗೆದ್ದ ಮೊದಲ ತಟಸ್ಥ ಕುವೈಟಿ ಅಥ್ಲೀಟ್

ಸ್ವತಂತ್ರ ಅಥ್ಲೀಟ್‌ ಆಗಿ ಸ್ಪರ್ಧಿಸಿದ್ದ ಕುವೈಟ್‌ನ ಫೆಹೈದ್ ಅಲ್ ದೀಹಾನಿ ಪುರುಷರ ಡಬಲ್ ಟ್ರಾಪ್ ಈವೆಂಟ್‌ನಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ಇಟಲಿಯ ಮಾರ್ಕೊ ಇನ್ನೊಸೆಂಟಿ ಬೆಳ್ಳಿಪದಕ ಮತ್ತು ಬ್ರಿಟಿಷ್ ಶೂಟರ್ ಸ್ಟೀವನ್ ಸ್ಕಾಟ್ ಕಂಚಿನ ಪದಕ ಗೆದ್ದಿದ್ದಾರೆ. 

ಸಿಡ್ನಿ ಮತ್ತು ಲಂಡನ್ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಅಲ್-ದೀಹಾನಿ ತಟಸ್ಥ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದರು. ಕುವೈಟ್ ದೇಶವು ಕ್ರೀಡೆಯಲ್ಲಿ ಹಸ್ತಕ್ಷೇಪ ಮಾಡಿದ್ದರಿಂದಾಗ ಐಒಎಯಿಂದ ಅಮಾನತಾಗಿದ್ದ ಹಿನ್ನೆಲೆಯಲ್ಲಿ ಅಲ್ ದೀಹಾನಿ ತಟಸ್ಥ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದರು. ಸೇನಾಧಿಕಾರಿಯಾದ ಅಲ್ ದಿಬಾನಿ ಸ್ವತಂತ್ರ ಅಥ್ಲೀಟ್ ಆಗಿ ಸ್ಪರ್ಧಿಸುತ್ತಿರುವ 9 ಮಂದಿ ಅಥ್ಲೀಟ್‌ಗಳ ಪೈಕಿ ಒಬ್ಬರಾಗಿದ್ದಾರೆ.

 ಫೈನಲ್‌ನಲ್ಲಿ ದೇವರು ನನಗೆ ಗೆಲ್ಲುವ ಆತ್ಮವಿಶ್ವಾಸವನ್ನು ನೀಡಿದ.ನಾನು ಮಿಲಿಟರಿ ವ್ಯಕ್ತಿಯಾಗಿದ್ದು, ಕುವೈತ್ ಧ್ವಜವನ್ನು ಮಾತ್ರ ಒಯ್ಯುತ್ತೇನೆ ಎಂದು ಈ ಸಂದರ್ಭದಲ್ಲಿ ಹೇಳಿದರು.  ಕಳೆದ ಶುಕ್ರವಾರ ನಡೆದ ಉದ್ಘಾಟನಾ ಸಮಾರಂಭದಲ್ಲಿ ಐಒಸಿ ಧ್ವಜವನ್ನು ಒಯ್ಯುವಂತೆ ಐಒಸಿ ಸೂಚನೆಯನ್ನು ಅವರು  ತಿರಸ್ಕರಿಸಿದ್ದರು.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ