ನವದೆಹಲಿ: ವಿದೇಶದಲ್ಲಿ ಆಗಾಗ ಹಿಂದೂ ದೇವರುಗಳಿಗೆ ಅವಮಾನ ಮಾಡುವ ಘಟನೆಗಳನ್ನು ಓದಿದ್ದೇವೆ. ಆದರೆ ಅರ್ಸೇನಲ್ ತಂಡದ ಫುಟ್ಬಾಲ್ ಆಟಗಾರ ವಾಲ್ಕೋಟ್ ತನ್ನ ಬೆನ್ನ ಮೇಲೆ ಹಾಕಿಕೊಂಡ ಹಚ್ಚೆಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
ವಾಲ್ಕೋಟ್ ತಮ್ಮ ಬೆನ್ನ ಮೇಲೆ ಹಿಂದೂಗಳು ಬಹುವಾಗಿ ಆರಾಧಿಸುವ ಶಿವ ದೇವರ ಹೆಸರು ಬರೆಸಿಕೊಂಡಿದ್ದಾರೆ. ‘ಓಂ ನಮಃ ಶಿವಾಯ’ ಎಂದು ಬರಹದ ಹಚ್ಚೆ ಹಾಕಿಸಿಕೊಂಡು ಆ ಫೋಟೋವನ್ನು ತಮ್ಮ ಟ್ವಿಟರ್ ಪೇಜ್ ನಲ್ಲಿ ಪ್ರಕಟಿಸಿದ್ದಾರೆ.
ವಾಲ್ಕೋಟ್ ಹಚ್ಚೆ ಫೋಟೋ ನೋಡಿ ಹಲವು ಭಾರತೀಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೆಲವರು ಶಿವನ ಹೆಸರು ನಿಮ್ಮ ಬೆನ್ನ ಮೇಲೆ ನೋಡಿ ಖುಷಿಯಾಗುತ್ತದೆ ಎಂದರೆ, ಇನ್ನು ಕೆಲವರು ಶಿವ ದೇವರು ನಿಮಗೆ ಒಳ್ಳೆದು ಮಾಡಲಿ ಎಂದು ಶುಭ ಹಾರೈಸಿದ್ದಾರೆ.