ಭಾರತದ ಬಾಕ್ಸರ್‌ಗಳಿಗೆ ಹೊಸ ಕಿಟ್‌ಗಳು, ಒಲಿಂಪಿಕ್ ಅನರ್ಹತೆ ಬೆದರಿಕೆಯಿಲ್ಲ

ತಮ್ಮ ದೇಶದ ಹೆಸರನ್ನು ಹೊಂದಿರುವ ಉಡುಪುಗಳನ್ನು ಧರಿಸದಿದ್ದರಿಂದ ಅನರ್ಹತೆಯ ಭೀತಿ ಎದುರಿಸಿದ್ದ ಭಾರತದ ಬಾಕ್ಸರ್‌ಗಳು ಅಂತಾರಾಷ್ಟ್ರೀಯ ಬಾಕ್ಸಿಂಗ್ ಸಂಘಟನೆಯ ಅಗತ್ಯಕ್ಕೆ ತಕ್ಕಂತೆ ತಮ್ಮ ಕಿಟ್‌ಗಳನ್ನು ಬದಲಿಸಿದ್ದಾರೆ. ಮನೋಜ್ ಕುಮಾರ್ ಅವರು ತಮ್ಮ ಲೈಟ್ ವೇಟ್ (64 ಕೆಜಿ) ವಿಭಾಗದಲ್ಲಿ ಲಿಥುಯೇನಿಯಾದ ಎವಾಲ್ಡಾಸ್ ಪೆಟ್ರೌಸ್ಕಾಸ್‌ ವಿರುದ್ಧ ಜಯಗಳಿಸಿದ ಬಳಿಕ ಎಐಬಿಎ ಅಧಿಕಾರಿಗಳು ತಾಂತ್ರಿಕ ದೋಷದ ಕಡೆ ಗಮನಸೆಳೆದರು.

ಇದೊಂದು ಸಾಮಾನ್ಯ ವಿಷಯವಾಗಿದ್ದು, ಅನೇಕ ದೇಶಗಳು ಈ ಸಮಸ್ಯೆಯನ್ನು ಎದುರಿಸುತ್ತವೆ. ಇಂತಹ ಉದಾಹರಣೆಗಳಲ್ಲಿ ಸಂಘಟಕರು ಸ್ವತಃ ಬದಲಿಯನ್ನು ಒದಗಿಸುತ್ತಾರೆ ಎಂದು ರಾಷ್ಟ್ರೀಯ ಕೋಚ್ ಗುರುಬಕ್ಸ್ ಸಿಂಗ್ ಸಾಂಧು ಹೇಳಿದರು.

ದೇಶದ ರಾಷ್ಟ್ರೀಯ ಕುಸ್ತಿ ಒಕ್ಕೂಟಕ್ಕೆ ಅಮಾನತಿನ ಶಿಕ್ಷೆ ನೀಡಲಾಗಿದ್ದರೂ ಭಾರತದ ಬಾಕ್ಸರ್‌ಗಳನ್ನು ತ್ರಿವರ್ಣ ಧ್ವಜದ ಅಡಿಯಲ್ಲಿ ಸ್ಪರ್ಧಿಸಲು ಅವಕಾಶ ನೀಡಲಾಗಿದೆ. ಇಲ್ಲಿಯವರೆಗೆ ವಿಕಾಸ್ ಕೃಷ್ಣನ್(75 ಕೆಜಿ) ಮತ್ತು ಮನೋಜ್ (64 ಕೆಜಿ) ತಮ್ಮ ಆರಂಭದ ಹೋರಾಟಗಳಲ್ಲಿ ಗೆದ್ದು ಆಯಾ ವಿಭಾಗದ ಪ್ರಿಕ್ವಾರ್ಟರ್ ಹಂತಕ್ಕೆ ಪ್ರವೇಶಿಸಿದ್ದಾರೆ.