ನವದೆಹಲಿ: ಸಾಮಾನ್ಯವಾಗಿ ಯಾವುದೇ ಕ್ರೀಡಾ ಮಂಡಳಿಗಳು ಸರ್ಕಾರದ ವಿರುದ್ಧ ಬಹಿರಂಗವಾಗಿ ಕೆಂಡಕಾರುವುದಿಲ್ಲ. ಆದರೆ ಅಖಿಲ ಭಾರತ ಫುಟ್ ಬಾಲ್ ಮಂಡಳಿ ಅದನ್ನು ಮಾಡಿದೆ.
ಪ್ರಧಾನಿ ಮೋದಿ ವಿರುದ್ಧವೇ ಟ್ವೀಟ್ ಮಾಡಿದೆ. ಅದೂ ಕ್ರೀಡೆಯ ಹೊರತಾದ ವಿಷಯವೊಂದಕ್ಕೆ. ದೇಶದಾದ್ಯಂತ ಭಾರೀ ಚರ್ಚಾ ವಿಷಯವಾಗಿರುವ ಗೋ ಹತ್ಯೆ ನಿಷೇಧದ ಬಗ್ಗೆ ಫುಟ್ ಬಾಲ್ ಸಂಸ್ಥೆಯ ಟ್ವಿಟರ್ ಖಾತೆಯಿಂದ ಟ್ವೀಟ್ ಮಾಡಲಾಗಿದೆ.
ಗೋ ಹತ್ಯೆಯ ಹೆಸರಿನಲ್ಲಿ ಕಾನೂನು ಕೈಗೆ ತೆಗೆದುಕೊಂಡು ಮಾನವರ ಹತ್ಯೆ ಮಾಡುವುದು ಖಂಡನೀಯ. ಮೋದಿಯವರು ಯಾರೂ ಕಾನೂನು ಕೈಗೆ ತೆಗೆದುಕೊಳ್ಳಬಾರದು ಎಂದಿದ್ದಾರೆ. ಅದೇ ರೀತಿ ಮೋದ ಮಾಡಿದವರೂ ದೇಶ ಬಿಟ್ಟು ತೆರಳದಂತೆ ನೋಡಿಕೊಳ್ಳಬೇಕು’ ಎಂದು ವಿಜಯ್ ಮಲ್ಯ ಪ್ರಕರಣದಲ್ಲಿ ಪರೋಕ್ಷವಾಗಿ ಕುಟುಕಲಾಗಿದೆ.
ಆದರೆ ಟ್ವೀಟ್ ವಿವಾದವಾಗುತ್ತಿದ್ದಂತೆ ಅದನ್ನು ಅಳಿಸಿ ಹಾಕಿದ ಸಂಸ್ಥೆ ತನ್ನ ಟ್ವಿಟರ್ ಖಾತೆಯನ್ನು ಯಾರೋ ಹ್ಯಾಕ್ ಮಾಡಿ ಈ ಕೃತ್ಯವೆಸಗಿದ್ದಾರೆಂದು ಸ್ಪಷ್ಟನೆ ನೀಡಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
