ಓಲಂಪಿಕ್ಸ್‌ನಲ್ಲಿ ಚೊಚ್ಚಲ ಬಾರಿಗೆ ಪ್ರವೇಶ ಪಡೆದರೂ ಘಟಾನುಘಟಿಗಳಿಗೆ ಕಠಿಣ ಪ್ರತಿರೋಧ ತೋರಿದ ಅದ್ಭುತ ಪ್ರತಿಭೆ ದೀಪಾ ಕರ್ಮಾಕರ್ ದೇಶಕ್ಕೆ ಪದಕ ಗೆದ್ದು ಕೊಡಲು ಅಸಮರ್ಥರಾದರೂ ತಮ್ಮ ಅದ್ಭುತ ಪ್ರದರ್ಶನದಿಂದ ಭಾರೀ ಶ್ಲಾಘನೆಗೆ ಪಾತ್ರರಾದರು.
ಅವರ ಬಗ್ಗೆ ನಿಮಗೆ ತಿಳಿದಿರದ ಮಾಹಿತಿಗಳು ಇಲ್ಲಿವೆ ಓದಿ:
*ಅಗರ್ತಲಾದಲ್ಲಿ ಜನಿಸಿದ್ದ ದೀಪಾ ತಂದೆ ದುಲಾಲ್ ಕರ್ಮಾಕರ್ ಭಾರತ ಎತ್ತುವಿಕೆಯ ಕ್ರೀಡೆಯ ಕೋಚ್.ತಾಯಿ ಗೀತಾ ಹೌಸ್ ವೈಫ್. ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿರುವ ದೀಪಾಗೆ ಒಬ್ಬ ಅಕ್ಕ ಇದ್ದಾರೆ.
ದೀಪಾ ಚಪ್ಪಟೆ ಪಾದಗಳನ್ನು ಹೊಂದಿದ್ದರು.ಇದು ಜಿಮ್ನಾಸ್ಟಿಕ್ ಆಗಲು ಅಡ್ಡಿಯಾಗಿದ್ದ ಬಹುದೊಡ್ಡ ಸವಾಲಾಗಿತ್ತು. ತನ್ನ ಕೋಚ್ ಬಿಸ್ವೇಶ್ವರ ನಂದಿ ಅವರ ಸಹಾಯದಿಂದ ತನ್ನ ಈ ಊನತೆಯನ್ನು ಮೆಟ್ಟಿ ನಿಂತ ದೀಪಾ ಯಶಸ್ಸನ್ನು ತಮ್ಮದಾಗಿಸಿಕೊಂಡರು.
ವಿದೇಶಿ ಕೋಚ್ ತರಬೇತಿ ಇಲ್ಲದೇ ಓಲಂಪಿಕ್ಸ್‌ನಲ್ಲಿ ದೀಪಾ 4 ನೇ ಸ್ಥಾನ ಪಡೆದಿದ್ದು ನಂಬಲಾಗದಂತಹ ಸಾಧನೆ.
ಐದು ವರ್ಷ ವಯಸ್ಸಿನಿಂದಲೇ ಜಿಮ್ನಾಸ್ಟಿಕ್ಸ್‌ ತರಬೇತಿ ಪಡೆಯುತ್ತಿರುವ ದೀಪಾ ಕರ್ಮಾಕರ್ ಹಲವು ದಾಖಲೆಗಳನ್ನು ಬರೆದಿದ್ದಾರೆ.
2007ಲ್ಲಿ ಜೂನಿಯರ್ ನ್ಯಾಷನಲ್ಸ್ ಚಾಂಪಿಯನ್‌ಶಿಪ್‌ನಲ್ಲಿ 3 ಚಿನ್ನದ & 2 ಬೆಳ್ಳಿ ಪದಕಗಳನ್ನು ಗೆದ್ದ ಅವರು 2014ರ ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲಿ ಕಂಚಿನ ಪದಕ ಜಯಿಸಿದ್ದ ಭಾರತದ ಮೊದಲ ವನಿತೆ ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ. ಕಳೆದ 2015ರ ನವೆಂಬರ್‌ನಲ್ಲಿ ನಡೆದಿದ್ದ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಭಾಗವಹಿಸಿದ್ದ ಮೊದಲ ಭಾರತೀಯ ಮಹಿಳೆ(ಐದನೇ ಸ್ಥಾನ) ಎಂಬ ಕೀರ್ತಿ ಅವರದು.
ದೀಪಾ ಈಗಾಗಲೇ ರಾಜ್ಯ, ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಮಟ್ಟದಲ್ಲಿ ನಡೆದ ಪಂದ್ಯಗಳಲ್ಲಿ 67 ಚಿನ್ನದ ಪದಕ ಸೇರಿದಂತೆ ಪಟ್ಟು 77 ಪದಕಗಳನ್ನು ಬಾಚಿಕೊಂಡಿದ್ದಾಳೆ.
ದೀಪಾ ಈಗಾಗಲೇ ರಾಜ್ಯ, ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ 67 ಚಿನ್ನದ ಪದಕ ಸೇರಿದಂತೆ 77 ಪದಕಗಳನ್ನು ಪಡೆದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ .
