ನವದೆಹಲಿ: ನಿನ್ನೆ ನಡೆದ ಇಂಡಿಯನ್ ಓಪನ್ ಸೀರೀಸ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಭಾರತದ ಹಿರಿಯ ತಾರೆ ಸೈನಾ ನೆಹ್ವಾಲ್ ರನ್ನು ಭಾರತದವರೇ ಆದ ಇನ್ನೊಬ್ಬ ಖ್ಯಾತ ಆಟಗಾರ್ತಿ ಪಿವಿ ಸಿಂಧು ಸೋಲಿಸಿದರು. ಆದರೆ ನಂತರ ಅವರು ಹೇಳಿದ್ದು ಕೇಳಿದರೆ ಶಾಕ್ ಆಗ್ತೀರಿ.
ಕ್ವಾರ್ಟರ್ ಫೈನಲ್ ನಲ್ಲಿ ಭಾರತದ ಈ ಎರಡು ಮಹಾನ್ ಪ್ರತಿಭೆಗಳು ಸೆಣಸಾಡಿತ್ತು. ಹಿಂದೊಮ್ಮೆ ಇಂಡಿಯನ್ ಬ್ಯಾಡ್ಮಿಂಟನ್ ಲೀಗ್ ನಲ್ಲೂ ಈ ಜೋಡಿ ಮುಖಾಮುಖಿಯಾಗಿತ್ತು. ಆಗಲೂ ಸಿಂಧು ಗೆದ್ದಿದ್ದರು. ಈಗಲೂ ನೇರ ಸೆಟ್ ಗಳಿಂದ ಸೈನಾರನ್ನು ಸೋಲಿಸಿದ ಸಿಂಧು ಸೆಮಿಫೈನಲ್ ಗೇರಿದರು.
ಆದರೆ ಗೆದ್ದ ಉತ್ಸಾಹದಲ್ಲಿ ಸಿಂಧು ನೀಡಿದ ಹೇಳಿಕೆ ಹಲವರ ಹುಬ್ಬೇರಿಸುವಂತೆ ಮಾಡಿದೆ. ‘ಪ್ರತೀ ಪಂದ್ಯದಲ್ಲೂ ನಾನು ಆಕೆಯ ಎದುರು ಗೆಲ್ಲಬೇಕೆನ್ನಲು ಆಕೆಯೇನೂ ವಿಶೇಷ ಆಟಗಾರ್ತಿಯಲ್ಲ. ಆಕೆ ನನ್ನ ಇನ್ನೊಬ್ಬ ಎದುರಾಳಿಯಷ್ಟೆ. ಎಲ್ಲರ ಎದುರು ಮಾಡುವ ಹಾಗೆ ಈಕೆಯ ವಿರುದ್ಧವೂ ಗೆಲ್ಲಲು ಶತ ಪ್ರಯತ್ನ ನಡೆಸುತ್ತೇನೆ’ ಎಂದಿದ್ದಾರೆ ಸಿಂಧು.
ಹೀಗೆ ಹೇಳಿದ ಸಿಂಧು ನಮ್ಮಿಬ್ಬರ ಶತ್ರುತ್ವ ಅಂಕಣದಲ್ಲಿ ಮಾತ್ರ. ಹೊರಗೆ ನಾವಿಬ್ಬರೂ, ಸಾಮಾನ್ಯ ಸ್ನೇಹಿತರಂತೆ ಎಂದಿದ್ದಾರೆ. ಆದರೂ, ಗೆದ್ದ ಖುಷಿಯಲ್ಲಿ ಸಿಂಧು ಕೊಂಚ ಮಿತಿ ಮೀರಿ ಮಾತನಾಡಿದದರೇನೋ ಎಂದು ಹಲವರು ಅನುಮಾನಪಟ್ಟಿದ್ದಂತೂ ನಿಜ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
