ಕಾಯುವಿಕೆ ಮುಗಿದಿದೆ. ಸಾರ್ವಜನಿಕ ಮತದಾನದ ನಂತರ ಚದುರಂಗ ಆಟಗಾರ್ತಿ ಕೊನೆರು ಹಂಪಿಯನ್ನು ಎರಡನೇ ಆವೃತ್ತಿಯ ಬಿಬಿಸಿ ಭಾರತೀಯ ಕ್ರೀಡಾಪಟು ವಿಜೇತ ಎಂದು ಬಿಬಿಸಿ ಘೋಷಿಸಿದೆ.
ಹಂಪಿ, ಮಹಿಳಾ ವರ್ಲ್ಡ್ ರಾಪಿಡ್ ಚೆಸ್ ಚಾಂಪಿಯನ್‌ಶಿಪ್‌ನ ಪ್ರಸ್ತುತ ಹೊಂದಿದ್ದು ಮತ್ತು 2020 ಕೈರ್ನ್ಸ್ ಕಪ್ ಹೊಂದಿದ್ದು, ಪ್ರಶಸ್ತಿ ಗೆದ್ದ ನಂತರ ಹೀಗೆ ಹೇಳಿದರು "ಈ ಪ್ರಶಸ್ತಿ ನನಗೆ ಮಾತ್ರವಲ್ಲ ಇಡೀ ಚದುರಂಗ ಭ್ರಾತೃತ್ವಕ್ಕೂ ಬಹಳ ಅಮೂಲ್ಯವಾದುದು. ಒಳಾಂಗಣ ಆಟವಾಗಿರುವುದರಿಂದ, ಚದುರಂಗ ಭಾರತದಲ್ಲಿ ಕ್ರಿಕೆಟ್‌ನಂತಹ ಕ್ರೀಡೆಗಳಂತೆ ಹೆಚ್ಚು ಗಮನ ಸೆಳೆಯುವುದಿಲ್ಲ. ಆದರೆ ಈ ಪ್ರಶಸ್ತಿಯೊಂದಿಗೆ, ಚದುರಂಗ ಆಟವು ಜನರ ಗಮನವನ್ನು ಸೆಳೆಯುತ್ತದೆ ಎಂದು ನಾನು ಭಾವಿಸುತ್ತೇನೆ."
"ನನ್ನ ಮನೋಬಲ ಮತ್ತು ಆತ್ಮವಿಶ್ವಾಸದಿಂದಾಗಿ ನಾನು ಹಲವು ವರ್ಷಗಳಿಂದ ಗೆಲ್ಲಲು ಸಾಧ್ಯವಾಯಿತು. ಮಹಿಳಾ ಆಟಗಾರ್ತಿ ತನ್ನ ಆಟವನ್ನು ತ್ಯಜಿಸುವ ಬಗ್ಗೆ ಎಂದಿಗೂ ಯೋಚಿಸಬಾರದು. ಮದುವೆ ಮತ್ತು ಮಾತೃತ್ವ ನಮ್ಮ ಜೀವನದ ಒಂದು ಭಾಗ. ಅದು ನಮ್ಮ ಜೀವನದ ಹಾದಿಯನ್ನು ಬದಲಾಯಿಸಬಾರದು," ಎಂದು ಹೇಳಿದರು.
ದಕ್ಷಿಣ ರಾಜ್ಯದ ಆಂಧ್ರಪ್ರದೇಶದಲ್ಲಿ ಜನಿಸಿದ ಹಂಪಿಯಳ ತಂದೆ ಚಿಕ್ಕ ವಯಸ್ಸಿನಲ್ಲಿಯೇ ಅವಳ ಅದ್ಭುತ ಸಾಮರ್ಥ್ಯವನ್ನು ಗುರುತಿಸಿದ್ದರು. 2002 ರಂದು 15 ನೇ ವಯ್ಯಸ್ಸಿನಲ್ಲಿಯೇ ಗ್ರ್ಯಾಂಡ್ ಮಾಸ್ಟರ್ ಆಗುವ ಮೂಲಕ ಈ ಖ್ಯಾತಿಗೆ ತಕ್ಕಂತೆ ಬದುಕಿದರು. 2008 ರಲ್ಲಿ ಚೀನಾದ ಹೌ ಯಿಫಾನ್ ಈ ದಾಖಲೆಯನ್ನು ಮುರಿದರು.
ಬಿಬಿಸಿ ಮಹಾನಿರ್ದೇಶಕ ಟಿಮ್ ಡೇವಿ ವರ್ಚುವಲ್ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಆಯೋಜಿಸಿ ವಿಜೇತರನ್ನು ಘೋಷಿಸಿದರು. ಅವರು ಹೀಗೆ ಹೇಳಿದರ - "ಈ ವರ್ಷದ ಬಿಬಿಸಿ ISWOTY ಪ್ರಶಸ್ತಿ ಗೆದ್ದ ಕೊನೆರು ಹಂಪಿಗೆ ಭಾರಿ ಅಭಿನಂದನೆಗಳು. ಅವರು ಚೆಸ್‌ಗೆ ಅದ್ಭುತ ಕೊಡುಗೆ ನೀಡಿದ್ದಾರೆ ಮತ್ತು ಈ ಪುರಸ್ಕಾರವು ಅರ್ಹವಾಗಿದೆ. ಭಾರತದ ಕ್ರೀಡಾಪಟುಗಳ ಯಶಸ್ಸನ್ನು ಗುರುತಿಸುವಲ್ಲಿ ಬಿಬಿಸಿ ಮುಂದಾಗಿದೆ ಎಂದು ನನಗೆ ಸಂತೋಷವಾಗಿದೆ; ಬಿಬಿಸಿ ISWOTY ಕೇವಲ ಒಂದು ಪ್ರಶಸ್ತಿ ಅಲ್ಲ, ಇದು ಸಮಾಜದಲ್ಲಿನ ಎಲ್ಲಾ ಧ್ವನಿಗಳು ಮತ್ತು ಜನರನ್ನು ಪ್ರತಿನಿಧಿಸುವ ನಮ್ಮ ಸಂಪಾದಕೀಯ ಬದ್ಧತೆಯ ಭಾಗವಾಗಿದೆ. ಇದರಿಂದಾಗಿ ನಮ್ಮ ಪತ್ರಿಕೋದ್ಯಮವು ನಾವು ವಾಸಿಸುವ ಪ್ರಪಂಚದ ನ್ಯಾಯಯುತ ಮತ್ತು ನಿಷ್ಪಕ್ಷಪಾತ ಪ್ರತಿಬಿಂಬವಾಗಿದೆ."
ಈ ವರ್ಷದ ಜೀವಮಾನ ಸಾಧನೆ ಪ್ರಶಸ್ತಿ ಅನುಭವಿ ಕ್ರೀಡಾಪಟು ಅಂಜು ಬಾಬಿ ಜಾರ್ಜ್ ಅವರಿಗೆ ಭಾರತೀಯ ಕ್ರೀಡೆಗಳಿಗೆ ಪೌರಾಣಿಕ ಕೊಡುಗೆ ನೀಡಿದ್ದಕ್ಕಾಗಿ ಮತ್ತು ತಲೆಮಾರಿನ ಆಟಗಾರರಿಗೆ ಸ್ಫೂರ್ತಿ ನೀಡಿದ್ದಕ್ಕಾಗಿ ನೀಡಲಾಯಿತು. ಅವರು 2003 ರಲ್ಲಿ ಲಾಂಗ್ ಜಂಪ್‌ನಲ್ಲಿ ವಿಶ್ವ ಚಾಂಪಿಯನ್‌ಶಿಪ್ ಪದಕ ಗೆದ್ದ ಏಕೈಕ ಭಾರತೀಯ ಕ್ರೀಡಾಪಟು.
"ಈ ಪ್ರತಿಷ್ಠಿತ ಗೌರವವನ್ನು ಸ್ವೀಕರಿಸುವಾಗ ನನ್ನ ಭಾವನೆಗಳನ್ನು ವ್ಯಕ್ತಪಡಿಸಲು ನನಗೆ ಸಾಧ್ಯವಾಗುತ್ತಿಲ್ಲ. ನನ್ನ ಪ್ರಯಾಣದುದ್ದಕ್ಕೂ ನಾನು ಆಶೀರ್ವದಿಸಲ್ಪಟ್ಟಿದ್ದೇನೆ. ನನ್ನ ಹೆತ್ತವರ ಮತ್ತು ನನ್ನ ಗಂಡನ ನಿರಂತರ ಬೆಂಬಲವಿಲ್ಲದೆ ನಾನು ಇಂದು ಇರುವ ಸ್ಥಳದಲ್ಲಿ ಇರುತ್ತಿರಲಿಲ್ಲ, ಅವರು ಯಾವಾಗಲೂ ನನ್ನೊಂದಿಗೆ ನಿಂತಿದ್ದಾರೆ. ದೃಢನಿಷ್ಠೆ ಮತ್ತು ಪರಿಶ್ರಮಕ್ಕೆ ಪರ್ಯಾಯ ಇಲ್ಲ ಎಂದು ನಾನು ಕಲಿತಿದ್ದೇನೆ; ಸರಿಯಾದ ಪ್ರೇರಣೆ ಮತ್ತು ಇಚ್ಛೆಯಿಂದ ಎಲ್ಲವೂ ಸಾಧ್ಯ," ಎಂದು ಜೀವಮಾನ ಸಾಧನೆ ಪ್ರಶಸ್ತಿಯನ್ನು ಪಡೆದ ನಂತರ ಅಂಜು ಬಾಬಿ ಜಾರ್ಜ್ ಹೇಳಿದರು.
ಇಂಗ್ಲೆಂಡ್ ಕ್ರಿಕೆಟ್ ತಾರೆ ಬೆನ್ ಸ್ಟೋಕ್ಸ್ ಭಾರತದ ಯುವ ಶೂಟರ್ ಮನು ಭೇಕರ್ ಅವರನ್ನು ವರ್ಷದ ಉದಯೋನ್ಮುಖ ಆಟಗಾರ ಪ್ರಶಸ್ತಿ ವಿಜೇತ ಎಂದು ಘೋಷಿಸಿದರು, ಈ ವರ್ಷದ ಬಿಬಿಸಿ ISWOTY ನಲ್ಲಿ ಇದು ಒಂದು ಹೊಸ ವರ್ಗ ಕೂಡಿದೆ. 16 ನೇ ವಯಸ್ಸಿನಲ್ಲಿ ಭಾಕರ್, 2018 ರಲ್ಲಿ ನಡೆದ ಅಂತರರಾಷ್ಟ್ರೀಯ ಶೂಟಿಂಗ್ ಸ್ಪೋರ್ಟ್ ಫೆಡರೇಶನ್ ವಿಶ್ವಕಪ್‌ನಲ್ಲಿ ಎರಡು ಚಿನ್ನದ ಪದಕಗಳನ್ನು ಗೆದ್ದರೆ, ನಂತರ ಯುವ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಮತ್ತೊಂದು ಚಿನ್ನ ಗೆದ್ದಿದ್ದಾರೆ. ಅದೇ ವರ್ಷದಲ್ಲಿ, ಅವರು ಚಿನ್ನದ ಪದಕ ಗೆಲ್ಲಲು ಕಾಮನ್ವೆಲ್ತ್ ಕ್ರೀಡಾಕೂಟದ ದಾಖಲೆಯನ್ನು ಹೊಡೆದರು.
"ಈ ಪ್ರಶಸ್ತಿ ಪಡೆಯಲು ನನಗೆ ಹೆಮ್ಮೆ ಎನಿಸುತ್ತಿದೆ. ನನ್ನ ಕಠಿಣ ಪರಿಶ್ರಮವನ್ನು ಗುರುತಿಸಲಾಗಿದೆ ಮತ್ತು ಜನರಿಗೆ ಈಗ ಇದರ ಬಗ್ಗೆ ತಿಳಿದಿದೆ ಎಂದು ಅನಿಸುತ್ತದೆ. ಅಂಜು ಬಾಬಿ ಜಾರ್ಜ್ ಈ ಪ್ರಶಸ್ತಿಯನ್ನು ನೀಡುತ್ತಿರುವುದು ನನಗೆ ಗೌರವ. ಉದಯೋನ್ಮುಖ ಪ್ರತಿಭೆಗಳನ್ನು ಉತ್ತೇಜಿಸಲಾಗುತ್ತಿದೆ ಎಂದು ಅದು ನಿಜವಾಗಿಯೂ ಭಾವಿಸುತ್ತದೆ," ಅಂಜು ಬಾಬಿ ಜಾರ್ಜ್ ಅವರಿಂದ ಪ್ರಶಸ್ತಿ ಪಡೆದ ನಂತರ ಮನು ಭಾಕರ್ ಹೇಳಿದರು.
ವರ್ಚುವಲ್ ಅವಾರ್ಡ್ಸ್ ಸಮಾರಂಭದಲ್ಲಿ, ಬಿಬಿಸಿಯ ವಾರ್ತೆ ವಿಭಾಗದ ನಿರ್ದೇಶಕಿ, ಫ್ರಾನ್ಸ್ ಅನ್ಸ್ವರ್ತ್ ಬಿಬಿಸಿ ISWOTY ಯಶಸ್ವಿ ಎರಡನೇ ಆವೃತ್ತಿಯ ಭಾಗವಾಗಿರುವುದಕ್ಕೆ ಸಂತೋಷ ವ್ಯಕ್ತಪಡಿಸಿದರು. ಮೊಟ್ಟಮೊದಲ 'ಬಿಬಿಸಿ ಸ್ಪೋರ್ಟ್ಸ್ ಹ್ಯಾಕಥಾನ್' ಫಲಿತಾಂಶಗಳನ್ನು ನೋಡುವುದು ಎಷ್ಟು ಅದ್ಭುತವಾಗಿದೆ ಎಂದು ಅವರು ಎತ್ತಿ ತೋರಿಸಿದರು. ಇದರಲ್ಲಿ 50 ಭಾರತೀಯ ಕ್ರೀಡಾಪಟುಗಳ ಕ್ರೀಡಾ ಪ್ರಯಾಣದ ಬಗ್ಗೆ ಸುಮಾರು 300 ನಮೂದುಗಳನ್ನು ವಿಕಿಪೀಡಿಯಾದಲ್ಲಿ 7 ಭಾಷೆಗಳಲ್ಲಿ ಸೇರಿಸಲಾಗಿದೆ. ಇದು ಬಿಬಿಸಿ ISWOTY 2021 ರ ವಿಶೇಷ ಲಕ್ಷಣವಾಗಿತ್ತು.
ದೇಶದ ಅತ್ಯುತ್ತಮ ಕ್ರೀಡಾಪಟುಗಳನ್ನು ಗೌರವಿಸಲು ಮತ್ತು ಪ್ರತಿಭಾವಂತ ಭಾರತೀಯ ಕ್ರೀಡಾಪಟುಗಳ ಸ್ಪೂರ್ತಿದಾಯಕ ಪ್ರಯಾಣವನ್ನು ಎತ್ತಿ ಹಿಡಿಯಲು ಬಿಬಿಸಿ ISWOTY ಯನ್ನು ಮೊದಲ ಬಾರಿಗೆ 2019 ರಲ್ಲಿ ಪ್ರಾರಂಭಿಸಲಾಯಿತು.
ಫೆಬ್ರವರಿ 2021 ರಲ್ಲಿ ಘೋಷಿಸಲಾದ ಐದು ನಾಮನಿರ್ದೇಶನಗಳು ಸ್ಪ್ರಿಂಟರ್ ದೂತಿ ಚಂದ್ , ಚೆಸ್ ಚಾಂಪಿಯನ್ ಕೊನೆರು ಹಂಪಿ, ಶೂಟರ್ ಮನು ಭೇಕರ್, ಕುಸ್ತಿಪಟು ವಿನೇಶ್ ಫೋಗಾಟ್ ಮತ್ತು ಭಾರತೀಯ ಫೀಲ್ಡ್ ಹಾಕಿ ತಂಡದ ಹಾಲಿ ನಾಯಕಿ ರಾಣಿಯನ್ನು ಒಳಗೊಂಡಿತ್ತು.