ಚೇತರಿಕೆಯಲ್ಲಿ ಮುಂಬೈ ಶೇರು ಮಾರುಕಟ್ಟೆ

ವಹಿವಾಟಿನ ಮಧ್ಯಾವಧಿಯಲ್ಲಿ ಚೇತರಿಸಿಕೊಂಡ ಮುಂಬೈ ಶೇರು ವಿನಿಮಯ ಕೇಂದ್ರವು ಅದೇ ವಹಿವಾಟನ್ನು ದಿನದ ಅಂತ್ಯದವರೆಗೆ ಮುಂದುವರಿಸಿ ಸಂವೇದಿ ಸೂಚ್ಯಂಕದಲ್ಲಿ ಏರಿಕೆ ದಾಖಲಿಸಿತು.

ತೈಲ ಮತ್ತು ಅನಿಲ ಕಂಪನಿಗಳ ಶೇರುಗಳು ಕಚ್ಚಾ ತೈಲದ ಬೆಲೆಯ ಏರಿಕೆಯ ಕಾರಣ ಗಮನಾರ್ಹ ಚೇತರಿಕೆ ದಾಖಲಿಸಿದ್ದು, ಬ್ಯಾಂಕಿಂಗ್ ಮತ್ತು ಬಹುಪಯೋಗಿ ಗ್ರಾಹಕ ವಸ್ತುಗಳ ಶೇರು ಬೆಲೆಯಲ್ಲಿ ಇಳಿಕೆಯು ದಿನದ ವಹಿವಾಟಿನಲ್ಲಿ ದಾಖಲಾಯಿತು. ಬುಧವಾರದ ಶೇರು ವಹಿವಾಟಿನಲ್ಲಿ ಬಿಎಸ್ಇ 200 ಮತ್ತು ನಿಫ್ಟಿ 70 ಅಂಶಗಳ ಹೆಚ್ಚಳವನ್ನು ದಿನದ ನಷ್ಟದ ವಹಿವಾಟಿನ ನಂತರ ದಾಖಲಿಸಿ, ಬಿಎಸ್ಇ 17200, ನಿಫ್ಟಿ 5100ಕ್ಕೆ ವ್ಯವಹಾರ ಅಂತ್ಯಗೊಳಿಸಿತು.

ಗುರುವಾರ ಶೇರು ಮಾರುಕಟ್ಟೆಯು ಧನಾತ್ಮಕವಾಗಿ ವಹಿವಾಟು ಪ್ರಾರಂಭಿಸುವ ನಿರೀಕ್ಷೆ ಇದ್ದು, ನಿಫ್ಟಿ ಪ್ರಾಥಮಿಕ ವಹಿವಾಟಿನಲ್ಲಿ 5120-5125 ರ ನಡುವೆ ವಹಿವಾಟು ನಡೆಸಬಹುದು. 5140ರ ನಡುವೆ ನಿಫ್ಟಿ ಮದ್ಯಾಹ್ನದಲ್ಲಿ ವಹಿವಾಟು ದಾಖಲಿಸಿದರೆ 5165-5180ರವರೆಗೆ ತಲುಪಿ ನಿಫ್ಟಿ ವಹಿವಾಟು ಅಂತ್ಯಗೊಳಿಸಬಹುದು.

ಗುರುವಾರ ಶೇರು ಮಾರುಕಟ್ಟೆಯ ವಹಿವಾಟಿನಲ್ಲಿ ಐಎಫ್‌ಸಿಐ, ಪ್ರಾಜ್ ಇಂಡಸ್ಟ್ರೀಸ್, ನ್ಯಾಷನಲ್ ಅಲ್ಯುಮಿನಿಯಂ, ಸೇಸಾ ಗೋವಾ, ರಿಲಯನ್ಸ್ ಕ್ಯಾಪಿಟಲ್ ಕಂಪನಿಗಳ ಶೇರುಗಳ ಮೇಲೆ ಗಮನ ಇಡಬಹುದು.