ಸಿಹಿ ಅವಲಕ್ಕಿ

ಬೇಕಾಗುವ ಸಾಮಾಗ್ರಿ: ಕಾಲು ಕೆಜಿ ಅವಲಕ್ಕಿ, ಅರ್ಧ ಅಚ್ಚು ಬೆಲ್ಲ, ಒಂದು ಹೋಳು ತೆಂಗಿನಕಾಯಿ, ಸ್ವಲ್ಪ ಏಲಕ್ಕಿ.

ಮಾಡುವ ವಿಧಾನ: ಅವಲಕ್ಕಿಯನ್ನು ಶುಚಿಗೊಳಿಸಿ ನೀರಿನಲ್ಲಿ ನೆನೆಹಾಕಿ. ತೆಂಗಿನಕಾಯಿಯನ್ನು ತುರಿದುಕೊಳ್ಳಿರಿ. ಬೆಲ್ಲ ಮತ್ತು ಏಲಕ್ಕಿಯನ್ನು ಪುಡಿ ಮಾಡಿಟ್ಟುಕೊಳ್ಳಿ. ನಂತರ ನೆನೆಸಿಟ್ಟ ಅವಲಕ್ಕಿಯ ನೀರು ಬಸಿದು ತೆಂಗಿನತುರಿ, ಪುಡಿ ಮಾಡಿದ ಬೆಲ್ಲ ಮತ್ತು ಏಲಕ್ಕಿಯನ್ನು ಅವಲಕ್ಕಿಗೆ ಸೇರಿಸಿ. ಚೆನ್ನಾಗಿ ಮಿಶ್ರಮಾಡಿದರೆ ಸಿಹಿ ಅವಲಕ್ಕಿ ತಿನ್ನಲು ಸಿದ್ಧ.