ರುಚಿ ರುಚಿಯಾದ ರವಾ ರೊಟ್ಟಿ ಮಾಡುವ ವಿಧಾನ

ಬೆಂಗಳೂರು: ಎಲ್ಲಾ ಗೃಹಿಣಿಯರಿಗೂ ಬೆಳಗಿನ ತಿಂಡಿ ಏನು ಮಾಡೋದು ಎಂದೇ ಸಮಸ್ಯೆ. ಬೆಳಗಿನ ತಿಂಡಿಗೆ ಎಷ್ಟು ರೆಸಿಪಿ ಗೊತ್ತಿದ್ದರೂ ಸಾಲದು. ಹಾಗಾಗಿ ರುಚಿ ರುಚಿಯಾದ ರವಾ ರೊಟ್ಟಿ ಮಾಡುವುದು ಹೇಗೆಂದು ಹೇಳುತ್ತೇವೆ ನೋಡಿ.

ಬೇಕಾಗುವ ಸಾಮಗ್ರಿಗಳು

ರವಾ
ಅರಸಿನ ಪುಡಿ
ಹಸಿಮೆಣಸು
ಈರುಳ್ಳಿ
ಕರಿಬೇವು
ಕೊತ್ತಂಬರಿ ಸೊಪ್ಪು
ಮೊಸರು
ಜೀರಿಗೆ
ಉಪ್ಪು

ಮಾಡುವ ವಿಧಾನ

ರವೆಯನ್ನು ಹುರಿದುಕೊಳ್ಳಿ. ಹಸಿಮೆಣಸು, ಈರುಳ್ಳಿ, ಕರಿಬೇವಿನ ಸೊಪ್ಪು,  ಕೊತ್ತಂಬರಿ ಸೊಪ್ಪನ್ನೂ ಚಿಕ್ಕದಾಗಿ ಹೆಚ್ಚಿಕೊಳ್ಳಿ. ರವೆಗೆ ಮೊಸರು, ನೀರು, ಉಪ್ಪು ಜೀರಿಗೆ, ಹೆಚ್ಚಿದ ತರಕಾರಿಗಳನ್ನು ಹಾಕಿಕೊಂಡು ಚೆನ್ನಾಗಿ ರೊಟ್ಟಿ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.  ಕಾದ ಕಾವಲಿಗೆ ಎಣ್ಣೆ ಸವರಿಕೊಂಡು, ಕೈಯಿಂದ ಕಾವಲಿ ಮೇಲೆ ರೊಟ್ಟಿ ತಟ್ಟಿಕೊಳ್ಳಿ. ಇದಕ್ಕೆ ಸಕ್ಕರೆ ಹಾಕಿಕೊಂಡು ತಿನ್ನಲು ರುಚಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ