ಗರಂ ಗರಂ ಅವಲಕ್ಕಿ ಚಕ್ಕುಲಿ

ಸಾಯಂಕಾಲದ ಟೀ ಅಥವಾ ಕಾಫಿ ಜತೆ ಸವಿಯಲು ಈ ಅವಲಕ್ಕಿ ಚಕ್ಕುಲಿ ಮಾಡುವುದು ತುಂಬಾ ಸುಲಭ ಹಾಗೂ ತುಂಬಾ ರುಚಿ. ನೀವೂ ಟ್ರೈಮಾಡಿ ನೋಡಿ.

ಬೇಕಾಗುವ ಪದಾರ್ಥಗಳು:

ಅವಲಕ್ಕಿ – 250 ಗ್ರಾಂ

ಹಸಿಮೆಣಸಿನಕಾಯಿ – 4

ಜೀರಿಗೆ- ಅರ್ಧ ಚಮಚ

ಇಂಗು – ಅರ್ಧ ಚಮಚ

ಎಣ್ಣೆ- ಕರಿಯಲು

ಉಪ್ಪು – ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:

* ರಾತ್ರಿ ಅಲವಕ್ಕಿಯನ್ನು ನೀರಿನಲ್ಲಿ ತೊಳೆದು ಒಂದು ಪಾತ್ರೆಯಲ್ಲಿ ನೆನೆಹಾಕಿ. ಮರುದಿನ ಮುಂಜಾನೆ ನೀರು ಬಸಿದು ಅದಕ್ಕೆ ಇಂಗು, ಉಪ್ಪು, ಜೀರಿಗೆ ಹಾಗೂ ಹೆಚ್ಚಿದ ಹಸಿಮೆಣಸಿನಕಾಯಿ ಹಾಕಿಕೊಂಡು ಮಿಕ್ಸಿಯಲ್ಲಿ ಅಥವಾ ಒರಳಿನಲ್ಲಿ ನುಣ್ಣಗೆ ರುಬ್ಬಿಕೊಳ್ಳಿರಿ.

* ನಂತರ ಬಿಸಿಲಿನಲ್ಲಿ ಬಿಳಿ ಬಟ್ಟೆ ಹಾಕಿ ಅದರ ಮೇಲೆ ಚೆಕ್ಕುಲಿ ಒರಳಿನಲ್ಲಿ ಹಿಟ್ಟು ತುಂಬಿ ಚಕ್ಕುಲಿಯನ್ನು ಒತ್ತಿ ಚೆನ್ನಾಗಿ ಒಣಗಿಸಿಕೊಳ್ಳಿರಿ.

* ಚಕ್ಕುಲಿಗಳು ಚನ್ನಾಗಿ ಒಣಗಿದ ಮೇಲೆ  ಒಂದು ಬಾಣೆಲೆಯಲ್ಲಿ ಎಣ್ಣೆ ಕಾಯಿಸಿ ನಂತರ ಚೆಕ್ಕುಲಿ ಕರಿಯಿರಿ.

* ಈಗ ರುಚಿಕರವಾದ ಗರಂ ಗರಂ ಅವಲಕ್ಕಿ ಚಕ್ಕುಲಿ ಸವಿಯಲು ಸಿದ್ಧ. ಬಿಡುವಿನ ಸಮಯದಲ್ಲಿ ಕಾಲ ಕಳೆಯಲು ಇದು ಉಪಯುಕ್ತ.