ಮೊಟ್ಟೆ ಮಸಾಲಾ ಪಲಾವ್

ಬೇಕಾಗುವ ಸಾಮಾಗ್ರಿಗಳು

ಬೇಯಿಸಿದ ಮೊಟ್ಟೆಗಳು -12
ಘನಾಕಾರದ ಪನೀರ್- 300 ಗ್ರಾಂ
ಮೆಣಸಿನ ಪುಡಿ- 3 ಚಮಚ
ಅರಶಿನ ಪುಡಿ-1 ಚಮಚ
ತಾಜಾ ಬಟಾಣಿ-300 ಗ್ರಾಂ
ಕೆನೆಮೊಸರು- ಅರ್ಧ ಬಟ್ಟಲು
ನೀರು- 1 ಬಟ್ಟಲು
ಟೊಮೇಟೋಪೂರಿ- 1 ಬಟ್ಟಲು
ಕತ್ತರಿಸಿದ ಸಣ್ಣ ಈರುಳ್ಳಿ-2
ಎಣ್ಣೆ- 8 ಟೇಬಲ್ ಚಮಚ
ಗರಂ ಮಸಾಲಪುಡಿ-2 ಟೀ ಚಮಚ
ಉಪ್ಪು- ರುಚಿಗೆ ತಕ್ಕಷ್ಟು
2 ಚಮಚ ಗೋಡಂಬಿ, 4 ತೆಂಗಿನಕಾಯಿ ಚೂರು, 2 ಟೇಬಲ್ ಚಮಚ ಗಸಗಸೆ(ಚೆನ್ನಾಗಿ ಅರೆದು ಪೇಸ್ಟ್ ಮಾಡಿದ್ದು)
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು- 1 ಟೇಬಲ್ ಚಮಚ
ಬೆಳ್ಳುಳ್ಳಿ ಶುಂಠಿ ಪೇಸ್ಟ್- 2 ಟೀ ಚಮಚ

ಪಾಕ ವಿಧಾನ
ಮೊದಲು ಪನ್ನೀರ್ ಘನಗಳನ್ನು ಎಣ್ಣೆಯಲ್ಲಿ ಹಗುರವಾಗಿ ಹುರಿದಿಟ್ಟುಕೊಳ್ಳಿ. ಪಾತ್ರೆಯಲ್ಲಿ ಎಣ್ಣೆಯನ್ನು ಕಾಯಿಸಿ, ಹೆಚ್ಚಿದ ಈರುಳ್ಳಿ ಹೋಳುಗಳನ್ನು 3 ನಿಮಿಷ ಹುರಿಯಿರಿ. ಇದಕ್ಕೆ ಬೆಳ್ಳುಳ್ಳಿ ಶುಂಠಿ ಪೇಸ್ಟ್ ಸೇರಿಸಿ 2 ನಿಮಿಷ ಹುರಿಯಿರಿ. ತದನಂತರ ಮೆಣಸಿನ ಪುಡಿ, ಅರಶಿನ,ಜೀರಿಗೆ ಪುಡಿ ಸೇರಿಸಿ ಕಲಕಿರಿ, ಎರಡು ನಿಮಿಷಗಳ ಕಾಲ ಸಣ್ಣ ಬೆಂಕಿಯಲ್ಲಿ ಹುರಿಯಿರಿ. ಟೊಮೇಟೋ ಪೂರಿ ಸೇರಿಸಿ ಚೆನ್ನಾಗಿ ಕಲಕಿ.

ಬಟಾಣಿಯನ್ನು ತೆಗೆದಿರಿಸಿದಂತಹ ನೀರಲ್ಲಿ ಉಪ್ಪು ಸೇರಿಸಿ ಚೆನ್ನಾಗಿ ಬೇಯಿಸಿ. ಇದಕ್ಕೆ 2 ಚಮಚ ಗೋಡಂಬಿ, 4 ತೆಂಗಿನಕಾಯಿ ಚೂರು, 2 ಟೇಬಲ್ ಚಮಚ ಗಸಗಸೆ ಚೆನ್ನಾಗಿ ಅರೆದು ಪೇಸ್ಟ್ ಮಾಡಿದ್ದನ್ನು ಸೇರಿಸಿ.

ಪನೀರ್, ಮೊಟ್ಟೆಗಳು, ಕೆನೆಮೊಸರು ಮತ್ತು ಗರಂ ಮಸಾಲಪುಡು ಸೇರಿಸಿ 3 ನಿಮಿಷಗಳ ಕಾಲ ಕುದಿಯಲು ಬಿಡಿ. ಇದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ ರೊಟ್ಟಿಗಳೊಂದಿಗೆ ಸವಿಯಲು ಕೊಡಿ.