ಮದುವೆ ಕಾರ್ಯಕ್ರಮದಲ್ಲಿ ಡಾನ್ಸ್ ಮಾಡಲು ನಿರಾಕರಿಸಿದ ಪತ್ನಿಯನ್ನು ನಾಲ್ಕನೇ ಅಂತಸ್ತಿನ ಮನೆಯ ಮಾಳಿಗೆಯಿಂದ ಕೆಳಗೆ ತಳ್ಳಿದ ಘಟನೆ ಬಂದಾ ಜಿಲ್ಲೆಯ ಚಿಲ್ಲಾಘಾಟ್ ಪಟ್ಟಣದ ದಿಗಾವತ್ ಗ್ರಾಮದಲ್ಲಿ ವರದಿಯಾಗಿದೆ.
ನಾಲ್ಕಂತಸ್ತಿನಿಂದ ಕೆಳೆಗೆ ಬಿದ್ದ 28 ವರ್ಷ ವಯಸ್ಸಿನ ಪತ್ನಿಯ(ವಿಶಾಖಾ ತಿವಾರಿ) ಎರಡು ಕಾಲುಗಳು ಮುರಿದಿದ್ದು, ಕೈ ಮತ್ತು ಹೊಟ್ಟೆಯ ಭಾಗಕ್ಕೆ ತೀವ್ರ ಪೆಟ್ಟಾಗಿದೆ ಎಂದು ಮೂಲಗಳು ತಿಳಿಸಿವೆ,
ಕಳೆದ ಶನಿವಾರದಂದು ವಿಶಾಖಾ, ದಿಗಾವಟ್ ಗ್ರಾಮದಲ್ಲಿ ನಡೆಯಲಿದ್ದ ಸಹೋದರನ ವಿವಾಹ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ತೆರಳಿದ್ದಳು. ಡಾನ್ಸ್ ಕಾರ್ಯಕ್ರಮದಲ್ಲಿ ಆಕೆಯ ಪತಿ ಅಜಯ್ ತನ್ನೊಂದಿಗೆ ಮತ್ತು ಇತರ ಅತಿಥಿಗಳೊಂದಿಗೆ ಡಾನ್ಸ್ ಮಾಡಲು ಒತ್ತಾಯಿಸಿದ್ದಾನೆ. ಆದರೆ, ವಿಶಾಖಾ ನಿರಾಕರಿಸಿದ್ದಾಳೆ.
ಪತ್ನಿಯ ನಿರಾಕರಣೆಯಿಂದ ಕೋಪಗೊಂಡ ಮದ್ಯಸೇವನೆಯ ಮತ್ತಿನಲ್ಲಿದ್ದ ಪತಿ ಅಜಯ್, ಆಕೆಯನ್ನು ನಾಲ್ಕು ಅಂತಸ್ತಿನ ಮನೆಯ ಮಾಳಿಗೆಯಿಂದ ಕೆಳಗೆ ತಳ್ಳಿದ್ದಾನೆ. ಗಂಭೀರವಾಗಿ ಗಾಯಗೊಂಡ ವಿಶಾಖಾಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ
ಪೊಲೀಸರು ಆಕೆಯ ಹೇಳಿಕೆಯನ್ನು ದಾಖಲಿಸಿಕೊಂಡಿದ್ದು ಪತಿ ಅಜಯ್‌ನನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
