ಸಿಲಿಂಡರ್‌ಗೆ ಹಾವು ಸಿಕ್ಕಿಹಾಕಿಕೊಂಡು ಕುಟುಂಬವೊಂದನ್ನು ಆತಂಕಕ್ಕೆ ದೂಡಿದ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.
ಮುಂಬೈನ ಕರ್ಜಾ ಗ್ರಾಮದಲ್ಲಿ ನಡೆದ ಘಟನೆ ಇದು. ಸಿಲಿಂಡರ್‌ನಿಂದ ಬುಸುಗುಟ್ಟುವಿಕೆ ಶಬ್ಧ ಕೇಳಿದ ಮಹಿಳೆಯೋರ್ವರು ಗ್ಯಾಸ್ ಲೀಕ್ ಆಗುತ್ತಿದೆ ಎಂದುಕೊಂಡು ಸಿಲಿಂಡರ್‌ ಸುತ್ತಮುತ್ತ ಪರೀಕ್ಷಿಸಿದಾಗ ಅಂತಹದ್ದೇನೂ ಕಂಡುಬರಲಿಲ್ಲ.ಆದರೆ ಶಬ್ಧ ಮುಂದುವರೆಯಿತು. ಕೊನೆಗೆ ಆಕೆ ಕಂಡಿದ್ದೇನು ಗೊತ್ತಾ? ನಾಗರಹಾವನ್ನು?
ಆಕೆಯನ್ನು ನೋಡಿದ ಹಾವು ಕಡಿಯಲು ಪ್ರಯತ್ನಿಸಿತು. ಆದರೆ ತಪ್ಪಿಸಿಕೊಂಡ ಆಕೆ ಪತಿಯ ಸಹಾಯದಿಂದ ಸಿಲಿಂಡರ್‌ನ್ನು ಮನೆ ಹೊರಗೆ ತೆಗೆದುಕೊಂಡು ಹೋಗಲು ಯಶಸ್ವಿಯಾದರು. ಬಳಿಕ ಸ್ಥಳಕ್ಕೆ ಹಾವಾಡಿಗನನ್ನು ಕರೆ ತರಲಾಯಿತು.
ಆಗಲೇ ಗೊತ್ತಾಗಿದ್ದು ನಾಗರಹಾವು ಸಿಲಿಂಡರ್‌ನ ತಳದಲ್ಲಿನ ರಂಧ್ರಕ್ಕೆ ಸಿಕ್ಕಿ ಹಾಕಿಕೊಂಡು ಪರದಾಡುತ್ತಿರುವುದು. ಹಾವನ್ನು ರಂಧ್ರದಿಂದ ಹೊರ ತೆಗೆಯುವಲ್ಲಿ ಹಾವಾಡಿಗ ಯಶಸ್ವಿಯಾಗಿದ್ದು ಅದು ಪ್ರಾಣಾಪಾಯದಿಂದ ಪಾರಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
