ಹನುಮನ ಪವಾಡ.. ಕ್ರೇನ್, ಜೆಸಿಬಿ ಬಂದರೂ ಒಂದಿಂಚೂ ಅಲ್ಲಾಡದ ಆಂಜನೇಯನ ವಿಗ್ರಹ: ಉಜ್ಜೈನಿಯಲ್ಲಿ ಕೌತುಕದ ಘಟನೆ Video

ಮಧ್ಯಪ್ರದೇಶದ ಪವಿತ್ರ ನಗರಿ ಉಜ್ಜಯಿನಿಯಲ್ಲಿ ಇತ್ತೀಚೆಗೆ ನಡೆದ ಘಟನೆಯೊಂದು ಲಕ್ಷಾಂತರ ಭಕ್ತರ ನಂಬಿಕೆ ಮತ್ತು ಶ್ರದ್ಧೆಯನ್ನು ಮತ್ತಷ್ಟು ಅಚಲಗೊಳಿಸಿದೆ. ಇಲ್ಲಿನ ಸತಿ ಗೇಟ್ ಬಳಿ ಇರುವ ಸುಮಾರು 170 ವರ್ಷಗಳಷ್ಟು ಪುರಾತನವಾದ 'ಖಡೆ ಹನುಮಾನ್' (ನಿಂತ ಭಂಗಿಯಲ್ಲಿರುವ ಹನುಮಂತ) ದೇವಸ್ಥಾನದ ಮೂರ್ತಿ ಸ್ಥಳಾಂತರದ ವೇಳೆ ನಡೆದ ಪವಾಡಸದೃಶ ಘಟನೆ ಈಗ ಎಲ್ಲರ ಗಮನ ಸೆಳೆದಿದೆ.

ರಸ್ತೆ ಅಗಲೀಕರಣ ಯೋಜನೆಯ ಭಾಗವಾಗಿ, ರಸ್ತೆಯ ಮಧ್ಯದಲ್ಲಿದ್ದ ಈ ಐತಿಹಾಸಿಕ ದೇವಸ್ಥಾನವನ್ನು ಬೇರೆಡೆಗೆ ಸ್ಥಳಾಂತರಿಸಲು ಆಡಳಿತ ಮಂಡಳಿ ಮತ್ತು ತಾಂತ್ರಿಕ ತಂಡ ನಿರ್ಧರಿಸಿತ್ತು. ಅತ್ಯಾಧುನಿಕ ಯಂತ್ರೋಪಕರಣಗಳನ್ನು ಬಳಸಿ ಮೂರ್ತಿಯನ್ನು ಸುರಕ್ಷಿತವಾಗಿ ತೆಗೆಯಲು ಸತತ ಮೂರು ದಿನಗಳ ಕಾಲ ಸತತ ಪ್ರಯತ್ನಗಳನ್ನು ನಡೆಸಲಾಯಿತು. ಆದರೆ, ಎಲ್ಲರ ಆಶ್ಚರ್ಯಕ್ಕೆ ಎಂಬಂತೆ, ಬಜರಂಗಬಲಿಯ ಮೂರ್ತಿಯು ತನ್ನ ಜಾಗದಿಂದ ಅಂಗುಲಷ್ಟೂ ಕದಲಲಿಲ್ಲ!

ಎಲ್ಲಾ ತಾಂತ್ರಿಕ ಶ್ರಮದ ನಡುವೆಯೂ ಮೂರ್ತಿಯು ಅಚಲವಾಗಿ ನಿಂತಿರುವುದನ್ನು ಕಂಡ ಭಕ್ತರು, ಇದು ಶ್ರೀ ಹನುಮಂತನ ದೈವಿಕ ಇಚ್ಛೆ ಹಾಗೂ ಪವಾಡವೆಂದೇ ಭಾವಿಸುತ್ತಿದ್ದಾರೆ. ಹನುಮಂತನು ತಾನಿದ್ದ ಜಾಗವನ್ನು ಬಿಟ್ಟು ಕದಲುವುದು ಅವನಿಗೆ ಇಷ್ಟವಿಲ್ಲ ಎಂಬುದಕ್ಕೆ ಇದೊಂದು ಸಾಕ್ಷಿ ಎಂಬುದು ಸ್ಥಳೀಯರ ಬಲವಾದ ನಂಬಿಕೆ.

ಪ್ರಸ್ತುತ, ವೈಜ್ಞಾನಿಕವಾಗಿ ಸ್ಕ್ಯಾನಿಂಗ್ ನಡೆಸಿದ ನಂತರವೇ ಮುಂದಿನ ನಿರ್ಧಾರ ತೆಗೆದುಕೊಳ್ಳಲು ಅಧಿಕಾರಿಗಳು ಚಿಂತಿಸಿದ್ದಾರೆ. ಆದರೆ, ಆಧುನಿಕ ತಂತ್ರಜ್ಞಾನ ಏನೇ ಹೇಳಿದರೂ, ಭಕ್ತರ ಹೃದಯದಲ್ಲಿ ಮಾತ್ರ ಬಜರಂಗಬಲಿ ಎಂದೆಂದಿಗೂ ಅಚಲ ಮತ್ತು ಪರಮ ಸತ್ಯ.

pic.twitter.com/FSrTT57wEM — vipin talwar (@vipintalwar) September 7, 2026