ನವದೆಹಲಿ: ವೆಂಕಯ್ಯ ನಾಯ್ಡು ಉಪರಾಷ್ಟ್ರಪತಿಯಾಗಲಿದ್ದಾರೆ ಎಂಬ ಸುದ್ದಿ ಬಂದಾಗಲೆಲ್ಲಾ ನಾನು ಉಪರಾಷ್ಟ್ರಪತಿಯಾಗಲ್ಲ, ಕೇವಲ ಉಷಾ ಪತಿಯಾಗಿರುತ್ತೇನೆ ಎಂದು ಮಾತು ಹಾರಿಸುತ್ತಿದ್ದರು. ಅಂತಹ ವೆಂಕಯ್ಯ ನಾಯ್ಡು ಇಂದು ಉಪರಾಷ್ಟ್ರಪತಿ ಚುನಾವಣೆಗೆ ನಾಮಪತ್ರ ಸಲ್ಲಿಸಲಿದ್ದಾರೆ.
ಉಷಾ ಎಂದರೆ ವೆಂಕಯ್ಯ ನಾಯ್ಡು ಪತ್ನಿಯ ಹೆಸರು. ತಮ್ಮ ಹೆಸರು ಉಪರಾಷ್ಟ್ರಪತಿ ಹುದ್ದೆಗೆ ಥಳುಕು ಹಾಕಿಕೊಂಡಾಗಲೆಲ್ಲಾ ವೆಂಕಯ್ಯ ನಾಯ್ಡು ಹೀಗೇ ಹಾಸ್ಯ ಮಾಡಿ ಮಾತು ಹಾರಿಸುತ್ತಿದ್ದರು. ಆದರೆ ಇಂದೀಗ ಉಷಾ ಪತಿ ಉಪರಾಷ್ಟ್ರಪತಿ ಹುದ್ದೆಗೆ ನಾಮಪತ್ರ ಸಲ್ಲಿಸವುದು ಪಕ್ಕಾ ಆಗಿದೆ.
ಮೂಲತಃ ಆಂಧ್ರದವಾರದೂ ಅವರಿಗೆ ಕರ್ನಾಟಕ ನಂಟು ಜಾಸ್ತಿ.ಇಲ್ಲಿಂದಲೇ ರಾಜ್ಯ ಸಭೆಗೆ ಆಯ್ಕೆಯಾದವರು. ಇದುವರೆಗಿನ ತಮ್ಮ ರಾಜಕೀಯ ಜೀವನದಲ್ಲಿ ಕಳಂಕ ಹೊಂದದವರು. ಹಾಗಾಗಿ ಕ್ಲೀನ್ ಇಮೇಜ್ ನ ಬಿಜೆಪಿಯ ಹಿರಿಯ ನಾಯಕ ಉಪರಾಷ್ಟ್ರಪತಿ ಹುದ್ದೆಗೇರಲು ರೆಡಿಯಾಗಿದ್ದಾರೆ. ರಾಷ್ಟ್ರಪತಿ ಸ್ಥಾನಕ್ಕೆ ಉತ್ತರ ಭಾರತದವರನ್ನು ಆರಿಸಿದ್ದಕ್ಕೆ, ಉಪರಾಷ್ಟ್ರಪತಿ ಹುದ್ದೆಗೆ ದಕ್ಷಿಣ ಭಾರತದವರಿಗೆ ಪ್ರಾತಿನಿಧ್ಯ ತೋರಲು ಬಿಜೆಪಿ ನಿರ್ಧರಿಸಿದೆ. ಈ ಎಲ್ಲಾ ಹಿನ್ನಲೆಯಲ್ಲಿ ಅವರಿಗೆ ಹೆಚ್ಚಿನ ಪಕ್ಷಗಳು ಬೆಂಬಲ ನೀಡುವ ನಿರೀಕ್ಷೆಯಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
