13 ವರ್ಷ ಬಾಲಕ ಮಾಡಿದ ಈ ಕೆಲಸಕ್ಕೆ ಕುಟುಂಬದ ನಡುವೆ ನಡೆದಿದೆ ಮಾರಾಮಾರಿ

ಗುಜರಾತ್ : 13 ವರ್ಷದ ಬಾಲಕನೊಬ್ಬ 10 ವರ್ಷದ ಹುಡುಗಿಗೆ ಪ್ರೇಮ ಪತ್ರ ಬರೆದ ಪರಿಣಾಮ ಇಬ್ಬರು ಕುಟುಂಬದ ಮಧ್ಯೆ ಮಾರಾಮಾರಿ ನಡೆದ ಘಟನೆ ಗುಜರಾತಿನ ಸುರೇಂದ್ರನಗರ್ ಜಿಲ್ಲೆಯಲ್ಲಿ ನಡೆದಿದೆ.

ಹುಡುಗನೊಬ್ಬ ಹುಡುಗಿಗೆ ಐ ಲವ್ ಯೂ ಎನ್ನುತ್ತ ಆಕೆ ಹಿಂದೆ ಬಿದ್ದಿದ್ದನಂತೆ. ಅಷ್ಟೇ ಅಲ್ಲದೇ ಒಂದು ಹೆಜ್ಜೆ ಮುಂದೆ ಹೋಗಿ ಲವ್ ಲೆಟರ್ ಕೂಡ ನೀಡಿದ್ದಾನಂತೆ. ಈ ವಿಚಾರ ಹುಡುಗಿ ತನ್ನ ಮನೆಯವರಿಗೆ ತಿಳಿಸಿದ ಹಿನ್ನಲೆಯಲ್ಲಿ ಹುಡುಗಿ ಮನೆಯವರು ಹುಡುಗನನ್ನು ಕರೆದು ಶಾಂತಿಯುತವಾಗಿ ಬುದ್ಧಿಮಾತನ್ನು ಹೇಳಿದ್ದಾರಂತೆ. ಆದರೆ ಅಲ್ಲಿಗೆ ಬಂದ ಹುಡುಗನ ಕಡೆಯವರು ಹುಡುಗಿ ಮನೆಯವರ ಕಣ್ಣಿಗೆ ಮೆಣಸಿನ ಪುಡಿಯನ್ನು ಹಾಕಿ, ರಾಡ್ ನಲ್ಲಿ ಹಲ್ಲೆ ನಡೆಸಿದ್ದಾರೆ.

ಈ ಘಟನೆಯಲ್ಲಿ ಹುಡುಗಿ ಮನೆಯ ಆರು ಮಂದಿ ಗಾಯಗೊಂಡಿದ್ದು, ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪೊಲೀಸರು ಈ ಬಗ್ಗೆ ವಿಚಾರಣೆ ನಡೆಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.