2 ಲಕ್ಷಕ್ಕಾಗಿ ಪ್ರೀತಿಸಿದವಳನ್ನೇ ಮಾರಿದ

ಯುವತಿಯನ್ನು ಪ್ರೀತಿಸುವ ನಾಟಕವಾಡಿ, ಅಪಹರಿಸಿ 2 ಲಕ್ಷ ರೂಪಾಯಿಗಳಿಗೆ ಮಾರಿದ ಹೇಯ ಘಟನೆ ಮಹಾರಾಷ್ಟ್ರದ ಠಾಣೆಯಲ್ಲಿ ನಡೆದಿದೆ. ಜುಲೈನಲ್ಲಿ ಅಪಹರಣಕ್ಕೊಳಗಾಗಿದ್ದ ಯುವತಿ ಶುಕ್ರವಾರ ಮನೆಗೆ ಹಿಂತಿರುಗಿ ನಡೆದ ಘಟನೆ ಎಲ್ಲವನ್ನು ಪೊಲೀಸರಿಗೆ ವಿವರಿಸಿ ಪ್ರಕರಣವನ್ನು ದಾಖಲಿಸಿದ್ದಾಳೆ.

ಆರೋಪಿಯನ್ನು ಮುಂಬೈ ನಿವಾಸಿ ಅನಿಲ್‌ ಯಾರ್ಕೆರ್ ಎಂದು ಗುರುತಿಸಲಾಗಿದ್ದು ಜುಲೈ 11 ರಂದು, 22 ವರ್ಷದ ತನ್ನ ಗೆಳತಿಗೆ ಮದುವೆಯ ನೆಪವೊಡ್ಡಿ ಜಾಲ್ನಾಕ್ಕೆ ಕರೆದೊಯ್ದ ಆತ 2 ಲಕ್ಷಕ್ಕೆ ಮಾರಾಟ ಮಾಡಿದ್ದಾನೆ. ಕಳೆದ ವಾರ ಅಲ್ಲಿಂದ ತಪ್ಪಿಸಿಕೊಂಡು ಬಂದ ಯುವತಿ ಥಾಣಾ ಪೊಲೀಸರಿಗೆ ದೂರು ನೀಡಿದ್ದಾಳೆ.

ಮದುವೆಯಾಗುವುದಾಗಿ ನಂಬಿಸಿ ಲೈಂಗಿಕವಾಗಿ ಬಳಸಿಕೊಂಡು ಮದುವೆಯಾಗುವುದಾಗಿ ನಂಬಿಸಿ ನನ್ನನ್ನು ಲೈಂಗಿಕವಾಗಿ ಬಳಸಿಕೊಂಡ ಅನಿಲ್ ಬಳಿಕ ಜಾಲ್ನಾಕ್ಕೆ ಕರೆದೊಯ್ದು ಬಬನ್ ಪವಾರ್ ಎಂಬಾತನ ಮನೆಯಲ್ಲಿರಿಸಿದ. ಪವಾರ್ ಪತ್ನಿ ಮತ್ತು ಸ್ನೇಹಿತ ಸದಾ ನನಗೆ ಬೆದರಿಕೆಯನ್ನೊಡ್ಡುತ್ತಿದ್ದರು. ಬಳಿಕ ಮೂವರು ನನ್ನನ್ನು ರಾಜಸ್ಥಾನದ ಶೈಲೇಶ್ ಪಂಟಾಲ್ ಎಂಬಾತನಿಗೆ ಮಾರಿದರು. ನನ್ನನ್ನು ಮದುವೆಯಾದ ಆತ 1 ತಿಂಗಳುಗಳ ಕಾಲ ಅತ್ಯಾಚಾರ ಮಾಡಿದ ಎಂದಾಕೆ ದೂರಿನಲ್ಲಿ ತಿಳಿಸಿದ್ದಾಳೆ.

ಆರೋಪಿಗಳ ವಿರುದ್ಧ ಅಪಹರಣ, ವಂಚನೆ, ಅತ್ಯಾಚಾರ ಪ್ರಕರಣ ದಾಖಲಾಗಿದೆ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ .