ಕುಲಬರ್ಗಿ: ಪೋಷಕರು ಸ್ಮಾರ್ಟ್ ಫೋನ್ ಕೊಡಿಸಲು ಒಪ್ಪಲಿಲ್ಲವೆಂಬ ಆಕ್ರೋಶಕ್ಕೆ 16 ವರ್ಷದ ಅಪ್ರಾಪ್ತ ಯುವಕ ತನ್ನ 12 ವರ್ಷದ ಸಹೋದರನ ಜೊತೆಗೆ ತಾನೂ ಬಾವಿಗೆ ಹಾರಿದ ಘಟನೆ ಕುಲಬರ್ಗಿಯಲ್ಲಿ ನಡೆದಿದೆ.
16 ವರ್ಷದ ಸುನಿಲ್ ಶಾಲೆ ಅರ್ಧಕ್ಕೇ ಬಿಟ್ಟಿದ್ದ. ಆತನ ಸಹೋದರ ಶೇಖರ್ 6 ನೇ ತರಗತಿಯಲ್ಲಿ ಓದುತ್ತಿದ್ದ. ಇತ್ತೀಚೆಗೆ ಸುನಿಲ್ ಸ್ಮಾರ್ಟ್ ಫೋನ್ ಕೊಡಿಸುವಂತೆ ಪೋಷಕರಿಗೆ ಕಟ್ಟುಬಿದ್ದಿದ್ದ. ಆದರೆ ಪೋಷಕರಿಗೆ ಸಾಧ‍್ಯವಾಗಿರಲಿಲ್ಲ. ಹೀಗಾಗಿ ವಾಗ್ವಾದವೂ ನಡೆದಿತ್ತು. ಇದರ ಬಳಿಕ ಬಹಿರ್ದೆಸೆಗೆ ಹೋಗಿದ್ದಾಗ ಸುನಿಲ್ ತಮ್ಮ ಶೇಖರ್ ನನ್ನು ಮೊದಲು ಬಾವಿಗೆ ತಳ್ಳಿ ಬಳಿಕ ತಾನೂ ಬಾವಿಗೆ ಹಾರಿದ್ದ. ಇಬ್ಬರೂ ಸಾವನ್ನಪ್ಪಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.