ಫುಟ್ಬಾಲ್ ಆಡುವಾಗ ಜಗಳ: ಸಹಪಾಠಿಯಿಂದ ವಿದ್ಯಾರ್ಥಿಯ ಕೊಲೆ

ನಾಗ್ಪುರ: ಫುಟ್ಬಾಲ್ ಆಡುತ್ತಿದ್ದಾಗ ಸಹಪಾಠಿಗಳಿಬ್ಬರ ನಡುವೆ ಜಗಳವಾಗಿದ್ದು, ಇದೇ ಸಿಟ್ಟಿನಲ್ಲಿ ಓರ್ವನ ಕೊಲೆಯಾಗಿದೆ.

9 ನೇ ತರಗತಿಯ ವಿದ್ಯಾರ್ಥಿಗಳು ಶಾಲೆಯ ಮೈದಾನದಲ್ಲಿ ಫುಟ್ಬಾಲ್ ಆಡುತ್ತಿದ್ದರು. ಈ ವೇಳೆ ಇಬ್ಬರ ನಡುವೆ ಜಗಳವಾಗಿದೆ.

ಇದೇ ಸಿಟ್ಟಿನಲ್ಲಿ ಆರೋಪಿ ವಿದ್ಯಾರ್ಥಿ ತನ್ನ ತರಗತಿಗೆ ತೆರಳಿ ಬ್ಯಾಗ್ ನಲ್ಲಿದ್ದ ಚಾಕು ಹೊರತಂದು ಸಹಪಾಠಿಗೆ ಇರಿದಿದ್ದಾನೆ. ಪರಿಣಾಮ ಆತ ತೀವ್ರ ಗಾಯಗೊಂಡಿದ್ದಾನೆ. ತಕ್ಷಣವೇ ಆಸ್ಪತ್ರೆಗೆ ಸಾಗಿಸಿದರೂ ಪ್ರಯೋಜನವಾಗಲಿಲ್ಲ. ಇದೀಗ ಆರೋಪಿ ವಿದ್ಯಾರ್ಥಿಯನ್ನು ಬಂಧಿಸಲಾಗಿದೆ.