ಮೈದುನನೊಬ್ಬ ಸೆಕ್ಸ್ ಸುಖ ಕೊಡಲು ನಿರಾಕರಿಸಿದ ಅತ್ತಿಗೆಯ ಮೂಗು ಕೊಯ್ದ ಹೇಯ ಘಟನೆ ವರದಿಯಾಗಿದೆ.
ಪ್ರತಿನಿತ್ಯ ಸೆಕ್ಸ್ ಸುಖ ನೀಡುವಂತೆ ಆರೋಪಿ ಮೈದುನ, ಅತ್ತಿಗೆಯನ್ನು ಒತ್ತಾಯಿಸುತ್ತಿದ್ದ ಎನ್ನಲಾಗಿದೆ. ಆದರೆ, ಆತನ ಕೋರಿಕೆಗೆ ಕ್ಯಾರೆ ಎನ್ನಲಿಲ್ಲ. ಇದರಿಂದ ಆಕ್ರೋಶಗೊಂಡು ನೀನು ನನ್ನವಳಾಗದಿದ್ದರೆ, ಬೇರೆಯವರಿಗೂ ದೊರೆಯಲು ಬಿಡುವುದಿಲ್ಲ ಎಂದು ಕತ್ತಿಯಿಂದ ಆಕೆಯ ಮೂಗು ಕೊಯ್ದು ಹಾಕಿದ್ದಾನೆ.
ಆರೋಪಿ ಯುವಕನ ಸಹೋದರನನ್ನು ಮಹಿಳೆ ವಿವಾಹವಾಗಿದ್ದಳು. ಆದರೆ, ಎರಡು ವರ್ಷಗಳ ನಂತರ ಪತಿ ಮರಣ ಹೊಂದಿದ್ದರಿಂದ, ಆಕೆಯೊಂದಿಗೆ ಹಾಸಿಗೆ ಸುಖ ಹಂಚಿಕೊಳ್ಳಲು ಆತ್ಮಿಯನಾಗುವಂತೆ ನಾಟಕವಾಡುತ್ತಿದ್ದ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಕೆಲವು ಬಾರಿ ಒತ್ತಾಯಪೂರ್ವಕವಾಗಿ ಆಸೆಯನ್ನು ತೀರಿಸಿಕೊಳ್ಳಲು ಪ್ರಯತ್ನಿಸಿದ್ದಾನೆ. ಇದರಿಂದ ಕೊಪಗೊಂಡ ಮಹಿಳೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾಳೆ. ಆದರೆ, ಇದೊಂದು ಕೌಟಂಬಿಕ ಸಮಸ್ಯೆ ಎಂದು ಪೊಲೀಸರು ಮೌನವಹಿಸಿದ್ದಾರೆ.
ಇದರಿಂದ ಬೇಸರಗೊಂಡ ಮಹಿಳೆ ನೇಪಾಳದಲ್ಲಿ ಉದ್ಯೋಗದಲ್ಲಿರುವ ಪುತ್ರನೊಂದಿಗೆ ವಾಸಿಸಲು ತೆರಳಿದ್ದಾಳೆ. ಕಳೆದ ನಾಲ್ಕು ದಿನಗಳ ಹಿಂದೆ ಪತಿಯ ಮನೆಗೆ ಮಹಿಳೆ ಮರಳಿದ್ದಾಗ, ಆರೋಪಿ ಮನೆಗೆ ನುಗ್ಗಿ ಪತ್ನಿಯಾಗಿ ಸ್ವೀಕರಿಸುವುದಾಗಿ ಹೇಳಿದ್ದಾನೆ.
ಅತ್ತಿಗೆ ತಿರಸ್ಕರಿಸಿದ್ದರಿಂದ ಆಕ್ರೋಶಗೊಂಡ ಆರೋಪಿ, ಹರಿತವಾದ ಕತ್ತಿಯಿಂದ ಆಕೆಯ ಮೂಗು ಕೊಯ್ದು ಹಾಕಿದ್ದಾನೆ. ಗ್ರಾಮದ ಮುಖ್ಯಸ್ಥ ನೀಡಿದ ದೂರಿನ ಮೇರೆಗೆ ಪೊಲೀಸರು ಆತನನ್ನು ಬಂಧಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
