Publish Date: Thu, 10 Aug 2017 (10:44 IST)
Updated Date: Thu, 10 Aug 2017 (10:46 IST)
ನವದೆಹಲಿ: ಕ್ವಿಟ್ ಇಂಡಿಯಾ ಚಳವಳಿಯ 70 ನೇ ವರ್ಷಾಚರಣೆ ಸಂದರ್ಭ ಸಂಸತ್ತಿನಲ್ಲಿ ವಿಪಕ್ಷ ಕಾಂಗ್ರೆಸ್ ಧುರೀಣೆ ಸೋನಿಯಾ ಗಾಂಧಿ ನಡೆಸಿದ ಭಾಷಣವನ್ನು ಸಚಿವೆ ಸ್ಮೃತಿ ಇರಾನಿ ವ್ಯಂಗ್ಯ ಮಾಡಿದ್ದಾರೆ.
ಪ್ರಧಾನಿ ಮೋದಿ ಇಡೀ ದೇಶದ ಬಗ್ಗೆ ಮಾತನಾಡಿದರು. ಆದರೆ ಸೋನಿಯಾ ಗಾಂಧಿ ತಮ್ಮ ಭಾಷಣದಲ್ಲಿ ರಾಷ್ಟ್ರದ ದೃಷ್ಟಿಯಿಂದ ಮಾತನಾಡುವುದು ಬಿಟ್ಟು ತಮ್ಮ ಕುಟುಂಬದ ಬಗ್ಗೆ ಮಾತನಾಡಿದರು ಎಂದು ಇರಾನಿ ಫೇಸ್ ಬುಕ್ ಪೇಜ್ ನಲ್ಲಿ ಟೀಕಿಸಿದ್ದಾರೆ.
ಪ್ರಧಾನಿ ಮೋದಿ ಭ್ರಷ್ಟಾಚಾರ ನಿರ್ಮೂಲನೆ, ಈ ದೇಶದ ಉದ್ಧಾರದ ಬಗ್ಗೆ ಮಾತನಾಡಿ ತಾವು ಇಡೀ ದೇಶದ ಪ್ರತಿನಿಧಿ ಎಂದು ಸಾರಿದರು. ಆದರೆ ಸೋನಿಯಾ ತಮ್ಮ ಭಾಷಣದಲ್ಲಿ ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಕಾಂಗ್ರೆಸ್, ನೆಹರೂ ಪಾತ್ರದ ಬಗ್ಗೆ ಹೊಗಳಿಕೊಂಡು ತಮ್ಮ ಕುಟುಂಬದ ಬೆನ್ನು ತಟ್ಟಿಕೊಂಡರು ಎಂದು ಅವರು ಟೀಕಿಸಿದ್ದಾರೆ.