ದ್ವೇಷಕ್ಕೆ ಮಗಳನ್ನೆ ಬಲಿಕೊಟ್ಟ ಪಾಪಿ ತಂದೆ!

ಮುಂಬೈ : ವ್ಯಕ್ತಿಯೊಬ್ಬ ತನ್ನ ಸಂಬಂಧಿಕರಿಗೆ ತಕ್ಕ ಪಾಠ ಕಲಿಸಲು ತಂದೆಯೊಬ್ಬ ತನ್ನ ಮಗಳನ್ನೆ ಹತ್ಯೆ ಮಾಡಿದ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.

ನ.6ರಂದು ನಾಗ್ಪುರ ನಗರದ ಕಲಾಮ್ನಾ ಪ್ರದೇಶದಲ್ಲಿ 16 ವರ್ಷದ ಬಾಲಕಿ ತನ್ನ ಮನೆಯ ಸೀಲಿಂಗ್ ಫ್ಯಾನ್ಗೆ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆ ಆಗಿದ್ದಳು. ಈ ವೇಳೆ ಆಕೆಯ ಕೊಠಡಿಯಲ್ಲಿ ಡೆತ್ನೋಟ್ ಪತ್ತೆ ಆಗಿತ್ತು.

ಇದರ ಆಧಾರದ ಮೇಲೆ ಪೊಲೀಸರು ಬಾಲಕಿಯ ಮಲತಾಯಿ, ಚಿಕ್ಕಪ್ಪ, ಚಿಕ್ಕಮ್ಮ ಹಾಗೂ ಅಜ್ಜಿಯ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಆದರೆ ತನಿಖೆ ವೇಳೆ ಬಾಲಕಿಯ ತಂದೆ ಫೋನ್ ಅನ್ನು ಪರಿಶೀಲಿಸಿದಾಗ ನಿಜವಾದ ಸತ್ಯ ಹೊರಬಂದಿದೆ.

ಬಾಲಕಿಯ ತಂದೆಯು ತಮ್ಮ ಮಗಳ ಬಳಿ ಸಂಬಂಧಿಕರಿಗೆ ಪಾಠ ಕಲಿಸಲು ಡೆತ್ ನೋಟ್ನ್ನು ಬರೆಯಲು ಹೇಳಿದ್ದಾನೆ. ಅಷ್ಟೇ ಅಲ್ಲದೇ ಡೆತ್ ನೋಟ್ನಲ್ಲಿ ಐವರ ಹೆಸರನ್ನು ಬರೆಯಲು ತಿಳಿಸಿದ್ದಾನೆ.

ತಂದೆ ಹೇಳಿದಂತೆ ಕೇಳುತ್ತಿದ್ದ ಮಗಳು, ಅದೇ ರೀತಿ ಮಾಡುತ್ತಾ ಹೋಗಿದ್ದಾಳೆ. ಅದಾದ ಬಳಿಕ ನೇಣು ಬಿಗಿದುಕೊಂಡಂತೆ ವರ್ತಿಸಲು ತಿಳಿಸಿದ್ದಾನೆ. ಅದಾದ ಬಳಿಕ ಬಾಲಕಿ ಸ್ಟೂಲ್ ಮೇಲೆ ನೇಣು ಬಿಗಿದುಕೊಂಡು ನಿಂತಿದ್ದಾಳೆ. ಅದನ್ನೆಲ್ಲವನ್ನು ಆತ ಫೋಟೋ ತೆಗೆದುಕೊಂಡಿದ್ದಾನೆ. ಅದಾದ ಬಳಿಕ ಆತನೇ ಸ್ಟೂಲ್ನ್ನು ಒದ್ದು ಮಗಳನ್ನು ಹತ್ಯೆ ಮಾಡಿದ್ದಾನೆ.