ಸುಬ್ರಮಣ್ಯ ಸ್ವಾಮಿ ಪೂರ್ವೇತಿಹಾಸ ಕೆದಕಿದ ದಿಗ್ವಿಜಯ್ ಸಿಂಗ್

ಸುಬ್ರಮಣ್ಯಸ್ವಾಮಿ ಅವರ ಪೂರ್ವೇತಿಹಾಸವನ್ನು ಕೆದಕಿದ ಹಿರಿಯ ಕಾಂಗ್ರೆಸ್ ನಾಯಕ ದಿಗ್ವಿಜಯ್ ಸಿಂಗ್ ಅವರ ನಿಷ್ಠೆಯನ್ನು ಪ್ರಶ್ನಿಸಿದ್ದಾರೆ. ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿರುವ ಸಿಂಗ್, ''ಸ್ವಾಮಿ ಭಕ್ತಿಯ ಇತಿಹಾಸ: ಸಿಐಎ, ಸಂಘ್, ಅಡ್ನಾನ್ ಕಶ್ಟೋಗಿ, ಚಂದ್ರಸ್ವಾಮಿ, ಚಂದ್ರಶೇಖರ್ ಜಿ, ರಾಜೀವ್ ಜಿ, ಜಲಲಲಿತಾ ಜಿ ಮತ್ತು ಈಗ ಮೋದಿ ಜಿ, ಎಲ್ಲಿಯವರೆಗೆ'' ಎಂದು ಬರೆದಿದ್ದಾರೆ. 

ಸ್ವಾಮಿ ರಾಜ್ಯಸಭೆ ಸಂಸದರಾದಾಗಿನಿಂದ ಆಗಸ್ಟಾ ವೆಸ್ಟ್ ಲ್ಯಾಂಡ್ ಲಂಚ ಹಗರಣಕ್ಕೆ ಸಂಬಂಧಿಸಿದಂತೆ ಕಾಂಗ್ರೆಸ್ ವಿರುದ್ಧ ತೀವ್ರ ದಾಳಿಗಳನ್ನು ಆರಂಭಿಸಿದ್ದಾರೆ.

ಇದು ಸಂಸತ್ತಿನಲ್ಲಿ ಕೋಲಾಹಲ ಉಂಟುಮಾಡಿದ್ದು, ಕಾಂಗ್ರೆಸ್ ನಾಯಕರು ಅವರ ವಿರುದ್ಧ ಪ್ರತಿಭಟನೆ ನಡೆಸಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆ್ಯಪ್‌ನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.