ಮರ್ಸಿಡೆಸ್ ಬೆಂಝ್ ಜಿಎಲ್ಎಸ್ ಕಾರು ಮೇ 18ರಂದು ಭಾರತದ ಮಾರುಕಟ್ಟೆಗೆ

ಜರ್ಮನ್ ಮೂಲದ ಐಶಾರಾಮಿ ಕಾರು ತಯಾರಿಕಾ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್, ಹೊಸ ವೈಶಿಷ್ಟ್ಯದ ಮರ್ಸಿಡಿಸ್ ಜಿಎಲ್ಎಸ್ ಕಾರುಗಳನ್ನು ಮೇ 18 ರಂದು ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. 

ಮರ್ಸಿಡಿಸ್ ಜಿಎಲ್ಎಸ್ ಆವೃತ್ತಿಯ ಕಾರುಗಳು ಆಕರ್ಷಕ ವಿನ್ಯಾಸ ಹೊಂದಿದೆ. ಈ ಕಾರುಗಳು ರೂಫ್ ರೈಲ್, ಅಡರ್‌ಗಾರ್ಡ್, ಶೋಲ್ಡರ್‌ಲೈನ್ ಟ್ರಿಮ್ ಸ್ಟ್ರೀಪ್ಸ್, ಲಗೇಜ್ ಕಂಪಾರ್ಟ್ಮೆಂಟ್ ಹ್ಯಾಂಡಲ್ ಮತ್ತು ಸೈಡ್ ಸ್ಕರ್ಟ್ ವ್ಯವಸ್ಥೆಯನ್ನು ಹೊಂದಿದೆ. 

ಮರ್ಸಿಡಿಸ್ ಜಿಎಲ್ಎಸ್ ಆವೃತ್ತಿಯ ಕಾರುಗಳು 3.0 ಲೀಟರ್ ವಿ-6 ಇಂಜಿನ್, 255 ಬಿಎಚ್‌ಪಿ ಸಾಮರ್ಥ್ಯ, 617 ಎನ್‌ಎಮ್ ಟಾರ್ಕ್ ಹೊಂದಿದ್ದು,  ಈ ಆವೃತ್ತಿ ಕಾರುಗಳ ನಾಲ್ಕು ಚಕ್ರಗಳಿಗೆ 9-ಸ್ಪೀಡ್ ಟ್ರಾನ್ಸ್‌ಮಿಷನ್ ವ್ಯವಸ್ಥೆಯನ್ನು ಹೊಂದಿದೆ. ಎಎಮ್‌ಜಿ ಆವೃತ್ತಿಯ ಕಾರುಗಳು 5.5 ಲೀಟರ್ ಟ್ವೀನ್ ಟರ್ಬೊ ವಿ-8 ಎಂಜಿನ್, 577 ಬಿಎಚ್‌ಪಿ ಮತ್ತು 760 ಎನ್‌ಎಮ್ ಟಾರ್ಕ್ ಹೊಂದಿದೆ.