ಹಣ ಲೆಕ್ಕ ಮಾಡಿ ಮಾಡಿ ಕ್ಯಾಶಿಯರ್‌ಗೆ ಹೃದಯಾಘಾತ

ನೋಟು ವಿನಿಮಕ್ಕಾಗಿ ಗ್ರಾಹಕರ ಸಂಖ್ಯೆ ವಿಪರೀತವಾದುದರಿಂದ ಕೆಲಸದ ಒತ್ತಡಕ್ಕೊಳಗಾದ ಕ್ಯಾಶಿಯರ್ ಒಬ್ಬರು ಹೃದಯಾಘಾತದಿಂದ ದುರ್ಮರಣವನ್ನಪ್ಪಿದ ಘಟನೆ ಭೋಪಾಲ್‌ನಲ್ಲಿ ನಡೆದಿದೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ನೀಲ್‌ಬಾದ್ ಶಾಖೆಯಲ್ಲಿ ಭಾನುವಾರ ಸಂಜೆ 6 ಗಂಟೆಗೆ ಈ ದುರ್ಘಟನೆ ನಡೆದಿದ್ದು ಮೃತರನ್ನು ಪುರುಷೋತ್ತಮ್ ವ್ಯಾಸ್ (46) ಎಂದು ಗುರುತಿಸಲಾಗಿದೆ.

ಅವಿಶ್ರಾಂತವಾಗಿ ಹಣ ವಿನಿಮಯ ಮಾಡುತ್ತ ಕುಳಿತಿದ್ದ ವ್ಯಾಸ್ ಅವರಿಗೆ ಏಕಾಏಕಿ ಎದೆನೋವು ಕಾಣಿಸಿಕೊಂಡಿದೆ. ಕೂಡಲೇ ಅವರನ್ನು ಹತ್ತಿರದ ಆಸ್ಪತ್ರೆಗೆ ಸೇರಿಸಲಾಯಿತಾದರೂ ಅವರಾಗಲೇ ಕೊನೆಯುಸಿರೆಳೆದಿದ್ದಾರೆ ಎಂದು ವೈದ್ಯರು ಘೋಷಿಸಿದ್ದಾರೆ.

ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆಯನ್ನು ಕೈಗೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ