Publish Date: Sat, 01 Aug 2026 (08:51 IST)
Updated Date: Sat, 01 Aug 2026 (09:03 IST)
ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ವಿರುದ್ಧ ಪ್ರತಿಭಟನೆಯ ವೇಳೆ ನಿಂದನೀಯ ಹಾಗೂ ಗೌರವಕ್ಕೆ ಧಕ್ಕೆ ತರುವಂತಹ ಮಾತುಗಳನ್ನಾಡಿ ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿದ್ದ ರುಚಿಕಾ ಸಿಂಗ್, ಇದೀಗ ಬಹಿರಂಗವಾಗಿ ಕಣ್ಣೀರಿಟ್ಟು ದೇಶದ ಸಾರ್ವಜನಿಕರಲ್ಲಿ ಕ್ಷಮೆಯಾಚಿಸಿದ್ದಾರೆ.ಕಾನೂನು ಕ್ರಮ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಟೀಕೆ ವ್ಯಕ್ತವಾದ ಬೆನ್ನಲ್ಲೇ ವೀಡಿಯೊ ಒಂದನ್ನು ಹಂಚಿಕೊಂಡಿರುವ ಅವರು, ತಮ್ಮ ತಪ್ಪಿನ ಅರಿವಾಗಿದ್ದು, ದೇಶದ ಜನರ ಬಳಿ ಕ್ಷಮೆ ಕೋರುವುದಾಗಿ ತಿಳಿಸಿದ್ದಾರೆ.
ರುಚಿಕಾ ಸಿಂಗ್ ಅವರ ಕ್ಷಮೆಯಾಚನೆ ವೀಡಿಯೊದಲ್ಲೇನಿದೆ?
ತಮ್ಮ ಹೇಳಿಕೆಯ ಕುರಿತು ಪಶ್ಚಾತ್ತಾಪ ವ್ಯಕ್ತಪಡಿಸಿರುವ ರುಚಿಕಾ ಸಿಂಗ್:
"ನಾನು ಇಡೀ ದೇಶದ ಜನರಲ್ಲಿ ಕ್ಷಮೆಯಾಚಿಸುತ್ತಿದ್ದೇನೆ. ನನಗೆ ಎಷ್ಟು ನಾಚಿಕೆಯಾಗುತ್ತಿದೆ ಎಂದರೆ ಕನಿಷ್ಠ ಕಣ್ಣೆತ್ತಿ ನೋಡಲು ಸಾಧ್ಯವಾಗುತ್ತಿಲ್ಲ. ದಯವಿಟ್ಟು ಎಲ್ಲರೂ ನನ್ನನ್ನು ಕ್ಷಮಿಸಿ, ದಯವಿಟ್ಟು ಕ್ಷಮಿಸಿ.
ಇದು ನನ್ನ ಮೊದಲ ಮತ್ತು ಕೊನೆಯ ತಪ್ಪು. ಇದರ ನಂತರ ನಾನು ಎಂದಿಗೂ ಇಂತಹ ಕೆಲಸ ಮಾಡುವುದಿಲ್ಲ, ಅಥವಾ ಇಂತಹ ಯಾವುದೇ ವಿಷಯವನ್ನು ಎಲ್ಲೂ ಪೋಸ್ಟ್ ಮಾಡುವುದಿಲ್ಲ."
ಪ್ರತಿಭಟನೆಯ ವಾತಾವರಣದಲ್ಲಿದ್ದ ಭರದಲ್ಲಿ ಮತ್ತು ಜನರ ನಡುವೆ ಪ್ರಚೋದನೆಗೆ ಒಳಗಾಗಿ ಈ ರೀತಿ ಮಾತನಾಡಿದ್ದಾಗಿ ಅವರು ಒಪ್ಪಿಕೊಂಡಿದ್ದಾರೆ.
ಕಾನೂನು ಪರಿಣಾಮಗಳು
ಪ್ರಧಾನಿಯವರ ವಿರುದ್ಧ ಬಳಸಿದ ನಿಂದನೀಯ ಪದಗಳಿಗಾಗಿ ಭಾರತೀಯ ನ್ಯಾಯ ಸಂಹಿತೆ ಅಡಿಯಲ್ಲಿ ಜೀರೋ ಎಫ್ಐಆರ್ ಹಾಗೂ ಮಾನಾಷ್ಟಿ ಮೊಕದ್ದಮೆ ದಾಖಲಿಸಲಾಗಿತ್ತು. ಭಾರತದ ಕಾನೂನಿನ ಪ್ರಕಾರ, ಸಾರ್ವಜನಿಕವಾಗಿ ಅಥವಾ ಜಾಲತಾಣಗಳಲ್ಲಿ ಪ್ರಮುಖ ವ್ಯಕ್ತಿಗಳ ಹಾಗೂ ಯಾವುದೇ ನಾಗರಿಕರ ವಿರುದ್ಧ ಅಸಂಸದೀಯ ಮತ್ತು ನಿಂದನೀಯ ಭಾಷೆ ಬಳಸುವುದು ಅಪರಾಧವಾಗಿದೆ.
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ
