ಪ್ರಧಾನಿ ನರೇಂದ್ರ ಮೋದಿ ಜಮ್ಮು ಕಾಶ್ಮೀರದಲ್ಲಿ ನಡೆಸಿದ ರ್ಯಾಲಿ ಸಮೀಪ ಜಾಗದಲ್ಲಿ ಸ್ಫೋಟಕ್ಕೆ ಬಳಸುವ ಆರ್‌ ಡಿಎಕ್ಸ್‌ ಮತ್ತು ನೈಟ್ರೆಟ್‌ಗಳು ಪತ್ತೆಯಾಗಿದೆ.
ಭಾನುವಾರ ಜಮ್ಮುವಿನಲ್ಲಿ ಮೋದಿ ರ್ಯಾಲಿ ನಡೆಸಿದ್ದರು. ಈ ಜಾಗದಿಂದ ೧೨ ಕಿ.ಮೀ. ದೂರದಲ್ಲಿ ಸ್ಫೋಟ ಸಂಭವಿಸಿತ್ತು. ಕೂಡಲೇ ಸ್ಥಳಕ್ಕೆ ದೌಡಾಯಿಸಿದ್ದ ಪೊಲೀಸರು ಪರಿಶೀಲನೆ ನಡೆಸಿದಾಗ ಸ್ಫೋಟಕ್ಕೆ ಬಳಸುವ ವಸ್ತುಗಳು ಪತ್ತೆಯಾಗಿವೆ.
ಸ್ಫೋಟಕಗಳ ತೀವ್ರತೆ ಪರಿಶೀಲನೆಗಾಗಿ ಈ ವಸ್ತುಗಳನ್ನು ತಜ್ಞರಿಗೆ ಕಳುಹಿಸಿಕೊಡಲಾಗಿದ್ದು, ಇದು ಉಗ್ರರ ದಾಳಿ ಸಂಚು ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಎಲ್ಲಾ ಆಯಾಮಗಳಲ್ಲಿ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.