ಲಕ್ನೋ : ಸುಪ್ರೀಂ ಕೋರ್ಟ್ ನಲ್ಲಿ ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣಕ್ಕೆ ಒಪ್ಪಿಗೆ ನೀಡಿದ ಹಿನ್ನಲೆಯಲ್ಲಿ ರಾಮ್ ನಾಮ್ ಬ್ಯಾಂಕ್ ಗ್ರಾಹಕರಿಗೊಂದು ಬಂಪರ್ ಆಫರ್ ವೊಂದನ್ನು ಘೋಷಿಸಿದೆ.
ಈ ಬ್ಯಾಂಕಿನಲ್ಲಿ ಖಾತೆ ಹೊಂದಿದವರು ನವೆಂಬರ್ 9-10ರ ಮಧ್ಯರಾತ್ರಿ ವೇಳೆಗೆ ಬ್ಯಾಂಕ್ ನೀಡುವ ಬುಕ್ ಲೆಟ್ ಮೇಲೆ ಕನಿಷ್ಠ 1.25 ಲಕ್ಷ ಬಾರಿ ರಾಮನ ಹೆಸರು ಬರೆದು ಬ್ಯಾಂಕ್ ನಲ್ಲಿ ಠೇವಣಿ ಇಟ್ಟರೆ ಅಂತವರಿಗೆ ಬೋನಸ್ ನೀಡಲಾಗುವುದು ಎಂದು ತಿಳಿಸಿದೆ. ಹಾಗೇ ಇದರಲ್ಲಿ ಆಯ್ಕೆಯಾದವರಿಗೆ 2020 ರ ಮಾಘ ಮೇಳದ ಸಂದರ್ಭದಲ್ಲಿ ಬಹುಮಾನ ನೀಡಲಾಗುವುದು ಎಂದು ತಿಳಿಸಿದೆ.
ಅಲಹಬಾದ್ ಮೂಲದ ರಾಮ್ ನಾಮ್ ಬ್ಯಾಂಕ್ ಎನ್ ಜಿಓ ಆಗಿದ್ದು, ಈ ಬ್ಯಾಂಕ್ ಎಟಿಎಂ ಅಥವಾ ಚೆಕ್ ಬುಕ್ ಹೊಂದಿಲ್ಲ. ಇದರ ಏಕೈಕ ಕರೆನ್ಸಿ ಕೂಡ ರಾಮನ ಹೆಸರಿನಲ್ಲಿದೆ. ರಾಮ ಮಂದಿರ ನಿರ್ಮಾಣದ ಅಂಗವಾಗಿ ಈ ಬ್ಯಾಂಕ್ ಈ ಅಭಿಯಾನವನ್ನು ನಡೆಸಿದೆ ಎನ್ನಲಾಗಿದೆ.
