ರಾಹುಲ್ ಗಾಂಧಿ ಗಡ್ಡ ಬಿಡುವಾಗಲೂ ಶೇವ್ ಮಾಡುವಾಗಲೂ ಇವರ ಮಾತು ಕೇಳ್ತಾರಂತೆ

ನವದೆಹಲಿ: ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಗಡ್ಡ ಬಿಡುವಾಗಲೂ, ಶೇವ್ ಮಾಡುವಾಗಲೂ ನನ್ನ ಮಾತು ಕೇಳ್ತಾರೆ ಎಂದು ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವ ಶರ್ಮ ವ್ಯಂಗ್ಯ ಮಾಡಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು ರಾಹುಲ್ ಗಾಂಧಿ ಗಡ್ಡದ ಬಗ್ಗೆ ಹೇಳಿಕೆ ನೀಡಿದ್ದಾರೆ. ಈ ಹಿಂದೆ ಗಡ್ಡ ಬಿಡುವಾಗ ಮತ್ತೆ ಶೇವ್ ಮಾಡುವಾಗ ರಾಹುಲ್ ಗಾಂಧಿ ನನ್ನ ಸಲಹೆ ಪಾಲಿಸಿದ್ದರು ಎಂದಿದ್ದಾರೆ.

ಈ ಹಿಂದೆ ಭಾರತ್ ಝೋಡೋ ಯಾತ್ರೆ ವೇಳೆ ರಾಹುಲ್ ಉದ್ದ ಗಡ್ಡ ಬಿಟ್ಟಿದ್ದರು. ಆಗ ಅವರನ್ನು ನೋಡಿದರೆ ಥೇಟ್ ಇರಾಕ್ ಸರ್ವಾಧಿಕಾರಿ ಸದ್ದಾಂ ಹುಸೇನ್ ನಂತೆ ಕಾಣುತ್ತೀರಿ ಎಂದಿದ್ದೆ.  ಬಳಿಕ ಅವರು ಕ್ಲೀನ್ ಶೇವ್ ಮಾಡಿಕೊಂಡರು.

ಕ್ಲೀನ್ ಶೇವ್ ಮಾಡಿದಾಗ ಅಮೂಲ್ ಬೇಬಿಯಂತೆ ಕಾಣುತ್ತಾರೆ ಎಂದು ಕಾಮೆಂಟ್ ಮಾಡಿದ್ದೆ. ಅದಕ್ಕೆ ಅವರು ಮತ್ತೆ ಗಡ್ಡ ಬೆಳೆಸಿದರು. ಈ ಮೂಲಕ ರಾಹುಲ್ ಗಾಂಧಿ ಗಡ್ಡ ಬೆಳೆಸುವಾಗ, ಶೇವ್ ಮಾಡುವಾಗ ನನ್ನ ಸಲಹೆ ಪಾಲಿಸುತ್ತಾರೆ ಎಂದು ವ್ಯಂಗ್ಯ ಮಾಡಿದ್ದಾರೆ.