ರಿಯೋ ಓಲಂಪಿಕ್ಸ್‌ನಲ್ಲಿ ಬೆಳ್ಳಿ ಮತ್ತು ಕಂಚಿನ ಪದಕ ಪಡೆದು ದೇಶಕ್ಕೆ ಹೆಮ್ಮೆ ತಂದ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿ.ವಿ.ಸಿಂಧು ಮತ್ತು ಕುಸ್ತಿ ಪಟು ಸಾಕ್ಷಿ ಮಲಿಕ್ ಅವರನ್ನು ಬುಧವಾರ ದೆಹಲಿ ಸರ್ಕಾರದ ಪರವಾಗಿ ಸನ್ಮಾನಿಸಿಸಲಾಯಿತು.
ಪಿ.ವಿ.ಸಿಂಧು ಅವರಿಗೆ ಎರಡು ಕೋಟಿ, ಕೋಚ್ ಪುಲ್ಲೇಲಾ ಗೋಪಿಚಂದ್ ಅವರಿಗೆ ಐದು ಲಕ್ಷ ರೂಪಾಯಿ, ಸಾಕ್ಷಿ ಮಲಿಕ್‌ಗೆ ಒಂದು ಕೋಟಿ ಮತ್ತು ಅವರ ಕೋಚ್ ಮನದೀಪ್ ಸಿಂಗ್ ಅವರಿಗೆ 5 ಲಕ್ಷ ರೂಪಾಯಿ ನಗದು ಬಹುಮಾನ ನೀಡಿ ಗೌರವಿಸಲಾಯಿತು.
ರಿಲೇ ಆಟಗಾರ ಲಲಿತ್ ಮ್ಯಾಥ್ಯೂರ್, ಟೇಬಲ್ ಟೆನಿಸ್ ಆಟಗಾರ ಮನೀಕ್ ಭಾಟ್ರಾ ಅವರಿಗೂ ಸಹ ತಲಾ ಮೂರು ಲಕ್ಷ ರೂಪಾಯಿಗಳನ್ನು ನೀಡಲಾಯಿತು.
ಇದೇ ಸಂದರ್ಭದಲ್ಲಿ ಸಿಂಧು ಅವರ ಫಿಜಿಯೋ ಸುಭೋದ್ ಹಾಗೂ ಕಿರಣ್ ಅವರನ್ನು ಸಹ ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ಮಾತನಾಡಿದ ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್, ನಾವು ಅವರಿಗೆ ಎಷ್ಟರ ಮಟ್ಟಿಗೆ ಗೌರವವನ್ನು ನೀಡಿದೆವು ಎನ್ನುವುದು ಗೊತ್ತಿಲ್ಲ, ಇಲ್ಲಿಗೆ ಬಂದು ಅವರೇ ನಮಗೆ ಸನ್ಮಾನವನ್ನು ನೀಡಿದಂತಾಗಿದೆ ಎಂದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ .
