ಪುಣೆ: ಸಾಮಾಜಿಕ ಜಾಲತಾಣದಲ್ಲಿ ಫೇಮಸ್ ಆಗಲು ಯುವತಿಯೊಬ್ಬಳು ತನ್ನ ಜೀವದ ಜತೆ ದುಸ್ಸಾಹಸ ಮಾಡಿ ಘಟನೆ ಪುಣೆಯಲ್ಲಿ ನಡೆದಿದೆ. ಅದೃಷ್ಟವಶಾತ್ ಯುವತಿ ಯಾವುದೇ ಅಪಾಯವಿಲ್ಲದೆ ಪಾರಾಗಿದ್ದಾಳೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಯುವತಿಯ ದುಸ್ಸಾಹಸದ ವಿಡಿಯೋ ತುಂಬಾನೇ ವೈರಲ್ ಆಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಬಾಯಿ ಮೇಲೆ ಕೈಯಿಟ್ಟಿದ್ದಾರೆ.
ಈಗೀನ ಕಾಲದ ಯುವಕ ಯುವತಿಯರು ಇನ್‌ಸ್ಟಾಗ್ರಾಂನಲ್ಲಿ ಫೇಮಸ್ ಆಗಲು ಏನಾದರು ಒಂದು ಹುಚ್ಚಾಟ ಮಾಡುತ್ತಲೇ ಇರುತ್ತಾರೆ. ಪುಣೆಯಲ್ಲಿ ಕಟ್ಟಡವೊಂದರ ಮಹಡಿಯ ತುದಿಯಲ್ಲಿ ಯುವತಿಯೊಬ್ಬಳು ಯುವಕನ ಕೈ ಹಿಡಿದು ನೇತಾಡುತ್ತಿದ್ದರೆ, ಮತ್ತೊಬ್ಬ ಅದನ್ನು ಚಿತ್ರೀಕರಿಸಿದ್ದಾನೆ.
ಸ್ವಲ್ಪ ಹೆಚ್ಚು ಕಮ್ಮಿ ಆಗಿದ್ದರೆ ಯುವತಿಯ ಪ್ರಾಣಕ್ಕೆ ಕುತ್ತು ಬರುತ್ತಿದ್ದು. ಈ ವಿಡಿಯೋದಲ್ಲಿ ಯುವತಿ ಕೇಲವ ಯುವಕ ಕೈ ಸಹಾಯದಲ್ಲಿ ಬಹುಮಹಡಿ ಕಟ್ಟಡದಿಂಡ ಸ್ಟಂಟ್ ಮಾಡಿದ್ದಾರೆ. ಆದರೆ ಇಲ್ಲಿ ಸುರಕ್ಷತೆಗೆ ಯಾವುದೇ ಸಾಧನ ಧರಿಸಿರಲಿಲ್ಲ. ರೀಲ್‌ನಲ್ಲಿ ಕಾಣಿಸಿಕೊಂಡಿರುವ ಮಹಿಳೆ, ನೆಲದಿಂದ ಅಂದಾಜು 100 ಅಡಿ ಎತ್ತರ ಇದ್ದಳು. ಕಟ್ಟಡದ ಮಹಡಿ ಮೇಲಿಂದ ಬಾಗಿ ಚಾಚಿದ್ದ ವ್ಯಕ್ತಿಯ ಕೈಯೊಂದರ ಹೊರತಾಗಿ ಆಕೆಯ ಸುರಕ್ಷತೆಗೆ ಬೇರೆ ಯಾವ ನೆರವೂ ಇರಲಿಲ್ಲ.
ಈ ವಿಡಿಯೋ ನೋಡಿದವರು ಅಚ್ಚರಿಪಟ್ಟಿದ್ದು, ಕೆಲವರು ಆಕ್ರೋಶ ಹೊರಹಾಕಿದ್ದಾರೆ.