20ನೇ ಶತಮಾನದ ದಂತಕತೆ ಮತ್ತು ಭಾರತದ ಆತ್ಮಿಯ ಮಿತ್ರರಾಗಿದ್ದ ಕ್ಯೂಬಾ ನಾಯಕ ಫಿಡಲ್ ಕ್ಯಾಸ್ಟ್ರೋ ನಿಧನಕ್ಕೆ ಪ್ರಧಾನಮಂತ್ರಿ ನರೇಂದ್ರ ಮೋದಿ ಶೋಕ ಸಂತಾಪ ಸೂಚಿಸಿದ್ದಾರೆ.
ಕ್ಯಾಸ್ಟ್ರೋ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಹಾರೈಸಿ ಕ್ಯೂಬಾ ಸರಕಾರ ಮತ್ತು ಕ್ಯೂಬಾ ದೇಶದ ಜನತೆಗೆ ತಮ್ಮ ನಾಯಕನನ್ನು ಕಳೆದುಕೊಂಡಿರುವುದಕ್ಕೆ ಸಂತಾಪ ಸೂಚಿಸುವುದಾಗಿ ತಿಳಿಸಿದ್ದಾರೆ.
20ನೇ ಶತಮಾನದ ಅತಿ ಜನಪ್ರಿಯ ನಾಯಕರಾಗಿದ್ದ ಫಿಡಲ್ ಕ್ಯಾಸ್ಟ್ರೋ, ಭಾರತ ದೇಶದ ಆತ್ಮಿಯ ಗೆಳೆಯರಾಗಿದ್ದರು ಎಂದು ಪ್ರಧಾನಿ ಮೋದಿ ತಿಳಿಸಿದ್ದಾರೆ.
ಇಂತಹ ಸಂಕಷ್ಟದ ಸಂದರ್ಭದಲ್ಲಿ ಭಾರತ ಸರಕಾರ ಕ್ಯೂಬಾ ಸರಕಾರಕ್ಕೆ ಬೆಂಬಲ ನೀಡಲಿದೆ ಎಂದು ಹೇಳಿದ್ದಾರೆ.
ಕ್ಯೂಬಾದ ಕಮ್ಯೂನಿಷ್ಠ ನಾಯಕ ಫಿಡಲ್ ಕ್ಯಾಸ್ಟ್ರೋ, ಬಂಡಾಯ ಸೇನೆಯನ್ನು ಕಟ್ಟಿ ದೇಶವನ್ನು ಅಮೆರಿಕದ ಕಪಿಮುಷ್ಠಿಯಿಂದ ಸ್ವಾತಂತ್ರ್ಯಗೊಳಿಸಿ, ತಮ್ಮ 90ನೇ ವಯಸ್ಸಿನಲ್ಲಿ ನಿಧನ ಹೊಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
