ತಿರುವನಂತಪುರಂ: ಐತಿಹಾಸಿಕ ಗಗನಯಾನ ಮಿಷನ್ ನಲ್ಲಿ ಭಾಗಿಯಾಗಲಿರುವ ನಾಲ್ವರು ಗಗನಯಾತ್ರಿಗಳನ್ನು ಪ್ರಧಾನಿ ಮೋದಿ ಇಂದು ಬಹಿರಂಗಪಡಿಸಿದ್ದಾರೆ.
ಇಸ್ರೋ ನಡೆಸುತ್ತಿರುವ ಐತಿಹಾಸಿಕ ಗಗನಯಾನ್ ಮಿಷನ್ ನಲ್ಲಿ ನಾಲ್ವರು ಗಗನಯಾತ್ರಿಗಳು ಬಾಹ್ಯಾಕಾಶಕ್ಕೆ ತೆರಳಲಿದ್ದಾರೆ. ಇವರನ್ನು ಇಂದು ಪ್ರಧಾನಿ ಮೋದಿ ಕೇರಳದ ತಿರುವನಂತಪುರಂನಲ್ಲಿರುವ ವಿಕ್ರಮ್ ಸಾರಾಭಾಯ್ ಸ್ಪೇಸ್ ಸೆಂಟರ್ ನಲ್ಲಿ ಭೇಟಿ ಮಾಡಿ ಪರಿಚಯಿಸಿದ್ದಾರೆ. 12 ಟೆಸ್ಟ್ ಪೈಲಟ್ ಗಳ ಪೈಕಿ ಅಂತಿಮವಾಗಿ ನಾಲ್ವರು ಆಯ್ಕೆಯಾಗಿದ್ದಾರೆ. ಕ್ಯಾಪ್ಟನ್ ಪ್ರಶಾಂತ್ ನಾಯರ್, ಗ್ರೂಪ್ ಕ್ಯಾಪ್ಟನ್ ಅಂಗದ್ ಪ್ರತಾಪ್, ಗ್ರೂಪ್ ಕ್ಯಾಪ್ಟನ್ ಅಜಿತ್ ಕೃಷ್ಣನ್ ಮತ್ತು ವಿಂಗ್ ಕಮಾಂಡರ್ ಶುಭಾಂಶು ಶುಕ್ಲ ಗಗನಯಾನ ಮಿಷನ್ ಗೆ ಆಯ್ಕೆಯಾಗಿದ್ದಾರೆ.
