ಚೀನಾ ಅಧ್ಯಕ್ಷರ ಭೇಟಿ ವೇಳೆ ಗಮನಸೆಳೆದ ಪ್ರಧಾನಿ ಮೋದಿ ವೇಷಭೂಷಣ

ಚೆನ್ನೈ: ತಮಿಳುನಾಡು ಭೇಟಿ ವೇಳೆ ಚೀನಾ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಜತೆಗೆ ಪ್ರಧಾನಿ ಮೋದಿ ವೇಷಭೂಷಣವೇ ಎಲ್ಲರ ಗಮನಸೆಳೆದಿತ್ತು.

ಪಕ್ಕಾ ತಮಿಳುನಾಡು ಸಂಪ್ರದಾಯದಂತೆ ಬಿಳಿ ಪಂಚೆ ಧರಿಸಿದ್ದ ಪ್ರಧಾನಿ ಮೋದಿ ಉಡುಗೆಯೇ ಎಲ್ಲರ ಗಮನಸೆಳೆದಿತ್ತು. ಜತೆಗೆ ಬಿಳಿ ಅಂಗಿ ಅದರ ಮೇಲೊಂದು ಶಲ್ಯ ಧರಿಸಿ ಸಂಪ್ರದಾಯದ ಉಡುಗೆ ತೊಟ್ಟಿದ್ದರು.

ಮಹಾಬಲಿಪುರಂನಲ್ಲಿ ಚೀನಾ ಅಧ‍್ಯಕ್ಷರನ್ನು ಸ್ವತಃ ತಾವೇ ಸ್ವಾಗತಿಸಿದ ಪ್ರಧಾನಿ ಮೋದಿ ಐತಿಹಾಸಿಕ ಸ್ಥಳಗಳನ್ನು ತೋರಿಸಲು ಜತೆಯಾದರು. ತಮಿಳುನಾಡಿನ ಭೇಟಿ ವೇಳೆ ಉಭಯ ದೇಶಗಳ ನಡುವಿನ ಬಾಂಧವ್ಯ ವೃದ್ಧಿಗೊಳಿಸುವ ಮಾತುಕತೆ ನಡೆಯುವ ನಿರೀಕ್ಷೆಯಿದೆ.