ನವದೆಹಲಿ:ದೆಹಲಿಯ ಪ್ರತಿಷ್ಠಿತ ಖಾಸಗಿ ಆಸ್ಪತ್ರೆಯೊಂದರಲ್ಲಿ ವೈದ್ಯರ ಬದಲಾಗಿ ಫಾರ್ಮಾಸಿಸ್ಟ್ ವೊಬ್ಬರು ಮಹಿಳೆಗೆ ಹೆರಿಗೆ ಮಾಡಿಸಿ, ಸೂಜಿಯನ್ನು ಆಕೆಯ ದೇಹದೊಳಗೇ ಬಿಟ್ಟಿದ್ದಾನೆ. ಅಷ್ಟೇ ಅಲ್ಲ ನುರಿತ ವೈದ್ಯರೇ ಹೆರಿಗೆ ಮಾಡಿಸಿರುವುದಾಗಿ ದಾಖಲೆಗಳನ್ನು ತಿದ್ದುವ ಪ್ರಯತ್ನ ಕೂಡ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ.
ಶ್ರೀ ಜೀವನ್ ಆಸ್ಪತ್ರೆಗೆ ದಾಖಲಾಗಿದ್ದ ಮಹಿಳೆಗೆ ಫಾರ್ಮಾಸಿಸ್ಟ್ ಹೆರಿಗೆ ಮಾಡಿಸಿದ ಬಳಿಕ ಹೊಲಿಗೆ ಹಾಕಿ ಸೂಜಿಯನ್ನು ದೇಹದೊಳಗೆ ಬಿಟ್ಟಿದ್ದರು. ಬಳಿಕ ಮಹಿಳೆ ನೋವು, ರಕ್ತಸ್ರಾವದಿಂದ ಬಳಲರಾರಂಭಿಸಿದ್ದಾರೆ. ನಂತರ ಎಕ್ಸರೇ ಮಾಡಿಸಿದಾಗ ಮಹಿಳೆ ದೇಹದೊಳಗೆ ಸೂಜಿಯಿರುವುದು ಪತ್ತೆಯಾಗಿದೆ.
ಈಗ ಈ ಸಂಬಂಧ ಸಂತ್ರಸ್ತೆ ದೆಹಲಿ ರಾಜ್ಯ ಗ್ರಾಹಕ ವೇದಿಕೆ ಮೆಟ್ಟಿಲೇರಿದ್ದು, ಸಂತ್ರಸ್ತೆಗೆ 30 ಲಕ್ಷ ಪರಿಹಾರ ನೀಡುವಂತೆ ಖಾಸಗಿ ಆಸ್ಪತ್ರೆಗೆ ಆದೇಶ ನೀಡಿದೆ.
