ಐಸಿಎಸ್ ಪ್ರಮಾಣಿತ ಮುಸ್ಲಿಮರು ಮಾತ್ರ ನಿಜವಾದ ಮುಸ್ಲಿಮರು: ಸ್ವಾಮಿ ವಾಗ್ದಾಳಿ

ಬಾಂಗ್ಲಾದೇಶದಲ್ಲಿ ವಾರದೊಳಗಾಗಿ ನಡೆದ ಎರಡು ಉಗ್ರರ ದಾಳಿಗಳನ್ನು ತೀವ್ರವಾಗಿ ಖಂಡಿಸಿದ ಬಿಜೆಪಿ ಹಿರಿಯ ನಾಯಕ ಸುಬ್ರಹ್ಮಣ್ಯಂ ಸ್ವಾಮಿ, ಘಟನೆಯಲ್ಲಿ ಐಸಿಎಸ್‌ನಂತಹ ಹೀನ ಸಂಘಟನೆಯ ಕೈವಾಡವಿದೆ ಎಂದು ಆರೋಪಿಸಿದ್ದಾರೆ.  

ರಮಜಾನ್ ಹಬ್ಬದ ಸಂದರ್ಭದಲ್ಲಿ ಸ್ಫೋಟ ನಡೆಸಿದ ಉಗ್ರರ ಹೀನ ಕೃತ್ಯದ ಬಗ್ಗೆ ಸಾಮಾಜಿಕ ಅಂತರ್ಜಾಲ ತಾಣವಾದ ಟ್ವಿಟ್ಟರ್‌‌ನಲ್ಲಿ ಖಂಡಿಸಿದ್ದಾರೆ. 

ದೇಶದ ಅತಿ ದೊಡ್ಡ ಮೈದಾನದಲ್ಲಿ ರಮಜಾನ್ ಹಬ್ಬದ ನಿಮಿತ್ಯ ಪ್ರಾರ್ಥನೆಗೆ ಸಿದ್ದವಾಗುತ್ತಿರುವಂತೆ ನಡೆದ ಉಗ್ರರ ದಾಳಿಯಲ್ಲಿ ಒಬ್ಬ ಪೊಲೀಸ್ ಪೇದೆ ಮತ್ತು ಇತರ ಮೂವರು ನಾಗರಿಕರು ಬಲಿಯಾಗಿದ್ದರು. 

ಕಿಶೋರ್‌ಗಂಜ್ ಜಿಲ್ಲೆಯ ಶೋಲಾಕಿಯಾ ಕ್ರೀಡಾಂಗಣದಿಂದ ಒಂದು ಕಿ.ಮೀ ದೂರವಿರುವ ಅಜೀಮುದ್ದೀನ್ ಹೈಸ್ಕೂಲ್ ಗೇಟ್ ಬಳಿ ನಡೆದ ಘಟನೆಯಲ್ಲಿ ಕನಿಷ್ಠ 13 ಜನ ಗಾಯಗೊಂಡಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. 

ಶೋಲಾಕಿಯಾ ಕ್ರೀಡಾಂಗಣದಲ್ಲಿ ಪ್ರಾರ್ಥನೆ ಸಲ್ಲಿಸಲು 3 ಲಕ್ಷ ಮುಸ್ಲಿಮರು ಸೇರುತ್ತಿದ್ದಂತೆ ಉಗ್ರರು ಗುಂಡಿನ ದಾಳಿ ನಡೆಸಿದಾಗ, ಪೊಲೀಸರು ಉತ್ತರವಾಗಿ ಮರುದಾಳಿ ನಡೆಸಿದ್ದಾರೆ. ಇದೀಗ ಪರಿಸ್ಥಿತಿ ನಿಯಂತ್ರಣದಲ್ಲಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.