ಕಾಡಿನ ರಾಜ ಸಿಂಹವನ್ನು ಕಂಡರೆ ಯಾರಿಗೆ ಭಯವಾಗುವುದಿಲ್ಲ ಹೇಳಿ. ರಾಜಗಾಂಭೀರ್ಯದಿಂದ ನಡೆಯುವ ಅದು ಮಾತ್ರ ಯಾವ ಪ್ರಾಣಿಗೂ ಭಯ ಪಡುವುದಿಲ್ಲ. ಆದರೆ ಇತ್ತೀಚಿಗೆ ಗುಜರಾತ್‌ನ ಗಿರ್ ಗಿರ್ ನ್ಯಾಷನಲ್ ಪಾರ್ಕ್‌‌ನಲ್ಲಿ ಕಂಡು ಬಂದ ದೃಶ್ಯವೊಂದು ಎಲ್ಲರನ್ನು ದಂಗು ಬಡಿಸಿದೆ. ಅಷ್ಟಕ್ಕೂ ಅದೇನಿದೆ ಈ ವಿಡಿಯೋದಲ್ಲಿ ಎನ್ನುತ್ತೀರಾ?
ತನ್ನ ಘರ್ಜನೆಯಿಂದಲೇ ಎಲ್ಲರನ್ನು ಭಯ ಪಡಿಸುವ ಸಿಂಹ ಸಾಧು ಪ್ರಾಣಿಯೊಂದಕ್ಕೆ ಹೆದರಿ ಓಡಿ ಹೋಗಿದೆ.
ಎದುರಿನಿಂದ ಎಮ್ಮೆಗಳ ಗುಂಪೊಂದು ಬರುತ್ತಿದ್ದುದನ್ನು ನೋಡಿದ ಸಿಂಹಕ್ಕೆಅದರಲ್ಲೊಂದು ತನಗೆ ಆಹಾರವಾಗಬಹುದೆಂದು ಅನ್ನಿಸಿತೆನೋ.. ಆ ಕಡೆ ಗುರಿ ಇಡುತ್ತ ಸಿಂಹ ನಿಧಾನವಾಗಿ ಮುಂದೆ ಸಾಗಿದೆ. ಸಿಂಹ ತಮ್ಮತ್ತಲೇ ಬರುತ್ತಿದ್ದುದನ್ನು ಕಂಡ ಆ ಗುಂಪಿನಲ್ಲಿದ್ದ ಎಮ್ಮೆಯೊಂದು ಸಿಂಹವನ್ನು ಅಟ್ಟಿಸಿಕೊಂಡು ಬಂದಿದೆ. ಈಗ ಸಿಂಹವೇ ಎಮ್ಮೆಯ ಮೇಲೆ ದಾಳಿ ನಡೆಸಲಿದೆ ಎಂದುಕೊಂಡಿದ್ದ ಪ್ರವಾಸಿಗರಿಗೊಂದು ಆಶ್ಚರ್ಯ ಕಾದಿತ್ತು. ಎಮ್ಮೆಗೆ ಬೆದರಿ ಸಿಂಹ ದಿಕ್ಕಾಪಾಲಾಗಿ ಓಡಿತ್ತು. ಆದರೆ ಸಿಂಹವನ್ನು ಮುಗಿಸಿಯೇ ತೀರುತ್ತೇನೆ ಎಂದು ನಿಶ್ಚಯಿಸಿದ್ದ ಎಮ್ಮೆ ಮಾತ್ರ ಅದರ ಬೆಂಬಿಡದೆ ಓಡಿಸಿದೆ. ನೀವು ವಿಡಿಯೋ ನೋಡಿ ಆನಂದಿಸಿ.
ಎಮ್ಮೆಯ ದಾದಾಗಿರಿಗೆ ದಿಕ್ಕಾಪಾಲಾಗಿ ಓಡಿದ ಸಿಂಹ(ವಿಡಿಯೋ)
