60 ರ ವಯಸ್ಸಲ್ಲಿ ನೀತಾ ಅಂಬಾನಿ ಭರ್ಜರಿ ಡ್ಯಾನ್ಸ್

ಗುಜರಾತ್‌ : ಅದ್ದೂರಿ ಸೆಟ್‌ ನಲ್ಲಿ “ವಿಶ್ವಂಭರೇತಿ” ಎಂಬ ಗಣೇಶನ ಭಕ್ತಿಗೀತೆಯೊಂದಕ್ಕೆ ನೀತಾ ಅಂಬಾನಿ ತಮ್ಮ ನೃತ್ಯ ಕಲೆಯನ್ನು ಪ್ರದರ್ಶಿಸಿದರು. ಸ್ವಯಂ ನೃತ್ಯಪಟುವಾಗಿರುವ ನೀತಾ ಅಂಬಾನಿ ನೃತ್ಯಪಟುಗಳಿಂದ ತರಬೇತಿಯನ್ನೂ ಪಡೆಯುತ್ತಿದ್ದಾರೆ.ಕಳೆದ ವರ್ಷ ತಮ್ಮ ನೃತ್ಯ ಸಂಗೀತ ಸಂಸ್ಥೆಗೆ ಚಾಲನೆ ನೀಡುವ ಸಂದರ್ಭದಲ್ಲಿ ನೀತಾ ಅಂಬಾನಿ ಅವರು , ರಘುಪತಿ ರಾಘವ ರಾಜಾರಾಂ ಗೀತೆ ನರ್ತಿಸಿದ್ದರು.

ಅನಂತ್‌ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್‌ ನಡುವಿನ ವಿವಾಹೋತ್ಸವ ರಾಷ್ಟ್ರೀಯ ಹಬ್ಬದಂತೆ ಆಚರಿಸಲ್ಪಡುತ್ತಿದೆ. ದೇಶದ ಪ್ರಮುಖ ಗಣ್ಯರು ಮತ್ತು ಸೆಲೆಬ್ರಿಟಿಗಳು ಅನಂತ್‌ ಮತ್ತು ರಾಧಿಕಾ ಪ್ರಿವೆಡಿಂಗ್‌ ನಲ್ಲಿ ಪಾಲ್ಗೊಂಡಿದ್ದಾರೆ.ಇದೇ ವೇಳೆ ಭಾನುವಾರ ನಡೆದ ಕಾರ್ಯಕ್ರಮದಲ್ಲಿ ರಿಲೈಯನ್ಸ್‌ ಫೌಂಡೇಶನ್‌ ಸ್ಥಾಪಕ ಅಧ್ಯಕ್ಷೆ ನೀತಾ ಅಂಬಾನಿ ಅದ್ಭುತವಾಗಿ ನೃತ್ಯ ಪ್ರದರ್ಶನ ನಡೆಸಿಕೊಟ್ಟಿದ್ದಾರೆ. ವಿಶೇಷ ನೃತ್ಯ ಪರಿಣತರ ಸಮೂಹ ನೀತಾ ಅಂಬಾನಿಗೆ ಸಾಥ್‌ ನೀಡಿದ್ದಾರೆ . ನೀತಾ ಅಂಬಾನಿಯ ನೃತ್ಯಕ್ಕೆಂದೇ ಬಹುಕೋಟಿ ರೂ. ವೆಚ್ಚದಲ್ಲಿ ವಿಶೇಷ ಸೆಟ್‌ , ದೀಪಾಲಂಕಾರಗಳನ್ನೂ  ಸಹ ಏರ್ಪಡಿಸಲಾಗಿತ್ತು.