36 ವರ್ಷಗಳ ಬಳಿಕ ತಿಹಾರ್ ಜೈಲ್ ನಲ್ಲಿ ಈ ಕುಖ್ಯಾತಿ ಮಾಡುತ್ತಿರುವವರು ನಿರ್ಭಯಾ ರೇಪಿಸ್ಟ್ ಗಳು!

ನವದೆಹಲಿ: ನಿರ್ಭಯಾ ಗ್ಯಾಂಗ್ ರೇಪ್ ಪ್ರಕರಣದಲ್ಲಿ ಗಲ್ಲು ಶಿಕ್ಷೆಗೆ ಗುರಿಯಾಗಿರುವ ನಾಲ್ವರು ಅಪರಾಧಿಗಳಿಗೆ ಶಿಕ್ಷೆ ಜಾರಿಯಾಗುವ ದಿನ ಹತ್ತಿರ ಬರುತ್ತಿದೆ.

ಗಲ್ಲು ಶಿಕ್ಷೆಯಲ್ಲೂ ಈ ನಾಲ್ವರು ಅಪರಾಧಿಗಳು ದಾಖಲೆಯೊಂದನ್ನು ಮಾಡುತ್ತಿದ್ದಾರೆ. ದೆಹಲಿಯಲ್ಲಿರುವ ಏಷ್ಯಾದ ಅತೀ ದೊಡ್ಡ ಜೈಲು ಎನಿಸಿಕೊಂಡಿರುವ ತಿಹಾರ್ ಜೈಲ್ ನಲ್ಲಿ ಕೊನೆಯ ಬಾರಿಗೆ ಗಲ್ಲು ಶಿಕ್ಷೆಯಾಗಿದ್ದು ಉಗ್ರ ಅಫ್ಜಲ್ ಗುರುವಿಗೆ.

ಆದರೆ ಈ ಬಾರಿ ಒಂದೇ ಬಾರಿಗೆ ನಾಲ್ವರು ನೀಚರಿಗೆ ಗಲ್ಲು ಶಿಕ್ಷೆ ಜಾರಿಯಾಗುತ್ತಿದೆ. ಈ ರೀತಿ ಒಂದೇ ಬಾರಿಗೆ ನಾಲ್ವರು ಗಲ್ಲು ಶಿಕ್ಷೆಗೆ ಗುರಿಯಾಗಿರುವುದು 1983 ರಲ್ಲಿ. ಅದಾದ ಬಳಿಕ ನಿರ್ಭಯಾ ಅಪರಾಧಿಗಳೇ ಈ ರೀತಿ ಒಂದೇ ಬಾರಿಗೆ ನಾಲ್ವರು ಗಲ್ಲು ಶಿಕ್ಷೆಗೆ ಗುರಿಯಾಗುತ್ತಿರುವ ಕುಖ್ಯಾತಿಗೆ ಒಳಗಾಗುತ್ತಿದ್ದಾರೆ.