NEET result: ನೀಟ್ ಪರೀಕ್ಷೆ ಫಲಿತಾಂಶ ಪ್ರಕಟ: ಇಲ್ಲಿ ವೀಕ್ಷಣೆ ಮಾಡಿ

ಬೆಂಗಳೂರು: ಈ ಸಾಲಿನ ನೀಟ್ ಯುಜಿ ಪರೀಕ್ಷೆ ಫಲಿತಾಂಶ ಪ್ರಕಟವಾಗಿದ್ದು ಫಲಿತಾಂಶವನ್ನು ವೆಬ್ ಸೈಟ್ ಮೂಲಕ ಆನ್ ಲೈನ್ ನಲ್ಲಿ ವೀಕ್ಷಣೆ ಮಾಡಬಹುದು. ಎಲ್ಲಿ ವೀಕ್ಷಣೆ ಮಾಡಬೇಕು ಎಂಬ ವಿವರ ಇಲ್ಲಿದೆ ನೋಡಿ.

ವೈದ್ಯಕೀಯ ಕೋರ್ಸ್ ಗಳಿಗೆ ನಡೆಸಲಾಗುವ ಪ್ರವೇಶ ಪರೀಕ್ಷೆ ಫಲಿತಾಂಶವನ್ನು ಪ್ರಕಟಿಸಲಾಗಿದೆ. ಈ ವರ್ಷ ಪರೀಕ್ಷೆಯಲ್ಲಿ ರಾಜಸ್ಥಾನದ ಮಹೇಶ್ ಕುಮಾರ್ ಅಗ್ರಸ್ಥಾನ ಪಡೆದರೆ ಮಧ್ಯಪ್ರದೇಶದ ಉತ್ಕರ್ಷ್ ಎರಡನೇ ಸ್ಥಾನ ಪಡೆದಿದ್ದಾರೆ. ಮಹಾರಾಷ್ಟ್ರದ ಕೃಶಾಂಗ್ ಜೋಶಿ ಮೂರು ಮತ್ತು ದೆಹಲಿಯ ಮೃಣಾಲ್ ಕಿಶೋರ್ ಝಾ ನಾಲ್ಕನೇ ಸ್ಥಾನ ಪಡೆದಿದ್ದಾರೆ.

ಕರ್ನಾಟಕದಿಂದ ನಿಖಿಲ್ ಸೋನದ್ 17 ನೇ ರಾಂಕ್ ಪಡೆದು ಮೊದಲಿಗರಿದ್ದಾರೆ. ಉಳಿದಂತೆ ರುಚಿರ್ ಗುಪ್ತಾ 22 ನೇ ರಾಂಕ್, ತೇಜಸ್ ಸೈಲೇಶ್ 38 ನೇ ರಾಂಕ್, ಪಿ ಜಾಗಿರ್ದಾರ್42 ನೇ ರಾಂಕ್, ಹರಿಣಿ ಶರ್ಮಾ 72 ನೇ ರಾಂಕ್, ದಿಗಂತ್ 80 ನೇ ರಾಂಕ್, ನಿಧಿ 84 ನೇ ರಾಂಕ್ ಪಡೆದಿದ್ದಾರೆ.

ಫಲಿತಾಂಶ ವೀಕ್ಷಿಸುವುದು ಹೇಗೆ?
Neet.nta.nic.in ವೆಬ್ ಸೈಟ್ ಗೆ ಲಾಗಿನ್ ಆಗಿ. ಈಗ ಮುಖಪುಟದಲ್ಲಿ ನೀಟ್ ಯುಜಿ 2025 ಫಲಿತಾಂಶ ಲಿಂಕ್ ಸಿಗುತ್ತದೆ. ಅದನ್ನು ಕ್ಲಿಕ್ ಮಾಡಿ ಲಾಗಿನ್ ಮಾಡಲು ನಿಮ್ಮ ದಾಖಲೆಗಳನ್ನು ನಮೂದಿಸಿ. ಈಗ ಫಲಿತಾಂಶ ಸ್ಕ್ರೀನ್ ಮೇಲೆ ಬರುತ್ತದೆ. ಇದನ್ನು ಡೌನ್ ಲೋಡ್ ಮಾಡಿಟ್ಟುಕೊಳ್ಳಬಹುದು.