ಜಾರ್ಖಂಡ್ : ಸೋಶಿಯಲ್ ಮೀಡಿಯಾದಲ್ಲಿ ಪರಿಚಯನಾದ ವ್ಯಕ್ತಿ ಪ್ರೀತಿಯ ನಾಟಕವಾಡಿ ಯುವತಿಯಿಂದ ಲಕ್ಷಾಂತರ ಹಣ ಮತ್ತು ಆಭರಣಗಳನ್ನು ದೋಚಿದ ಘಟನೆ ಜಾರ್ಖಂಡ್ ನ ಗೊಡ್ಡಾ ಜಿಲ್ಲೆಯಲ್ಲಿ ನಡೆದಿದೆ.
ಯುವತಿಗೆ ಆರೋಪಿ ಫೇಸ್ ಬುಕ್ ನಲ್ಲಿ ಗೆಳೆಯನಾಗಿದ್ದಾನೆ. ಪರಸ್ಪರ ಮಾತುಕತೆ ನಡೆಸುತ್ತಿದ್ದ ಇಬ್ಬರು ಬಳಿಕ ಭೇಟಿಯಾಗಿ ಪ್ರೀತಿಸಲು ಶುರುಮಾಡಿ ಯಾವಾಗಲೂ ಜೊತೆಯಾಗಿರುತ್ತಿದ್ದರು. ಯುವತಿ ಆತನಿಗೆ ಬೈಕ್ , ಹಣ ಕೂಡ ನೀಡಿದ್ದಳು. ಆದರೆ ಮದುವೆ ವಿಚಾರ ಬಂದ ತಕ್ಷಣ ಆತ ಆಕೆಯ ಮೇಲೆ ಹಲ್ಲೆ ಮಾಡಿ ಹಣ ಮತ್ತು ಆಭರಣಗಳನ್ನು ದೋಚಿ ಪರಾರಿಯಾಗಿದ್ದಾನೆ.
ಈ ಬಗ್ಗೆ ಯುವತಿ ಪೊಲೀಸರಿಗೆ ದೂರು ನೀಡಿದ ಹಿನ್ನಲೆಯಲ್ಲಿ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ನಡೆಸಿ ಆರೋಪಿಯನ್ನು ಬಂಧಿಸಿ ಹಣ, ಆಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ.